19 лютага, Мінск /Кар. БЕЛТА/. Сярэдняя зарплата ў Беларусі ў студзені склала Br982, паведаміў прэм'ер-міністр Сяргей Румас сёння на пасяджэнні Савета Міністраў, дзе абмяркоўваюцца вынікі сацыяльна-эканамічнага развіцця ў 2018 годзе, ацэнка першага квартала і выкананне ключавых параметраў 2019 года, перадае карэспандэнт БЕЛТА.
"Ужо ёсць статыстыка за студзень - сярэдняя зарплата склала Br982 і, у прынцыпе, знаходзіцца ў рамках прагнозу ўрада", - сказаў Сяргей Румас.
У бягучым годзе ўрад будзе асаблівую ўвагу ўдзяляць даходам нізкааплатных катэгорый работнікаў, сёння вялікая частка такіх работнікаў сканцэнтравана з бюджэтнай сферы. На сённяшнім пасяджэнні Мінфін абазначыць меры падтрымкі такіх работнікаў з улікам магчымасцей бюджэту.
Прэм'ер-міністр нагадаў, што за 2018 год рэальныя грашовыя даходы насельніцтва прыраслі на 8 працэнтаў, гэта ў 2,5 раза вышэй за прагнозны ўзровень. Рэальная заработная плата вырасла на 11,6 працэнта, у тым ліку ў бюджэтнай сферы - амаль на 14 працэнтаў.-0-
