Сярэдні аб'ём тэрміновых рублёвых дэпазітаў насельніцтва ў ліпені павялічыўся на Br197,8 млн

14 жніўня, Мінск /Кар. БЕЛТА/. На беларускім дэпазітным рынку прадаўжаецца ўстойлівы прырост зберажэнняў у нацыянальнай валюце. За ліпень сярэдні аб'ём тэрміновых рублёвых дэпазітаў фізічных асоб у беларускіх банках павялічыўся на Br197,8 млн, або на 2,2 працэнта. У адносінах да ліпеня 2023 года павелічэнне склала Br2,1 млрд, або 29,6 працэнта. Аб гэтым сведчаць статыстычныя даныя Нацыянальнага банка, паведамляе БЕЛТА.

Сярэдні аб'ём тэрміновых дэпазітаў насельніцтва ў замежнай валюце ў доларавым эквіваленце ў ліпені 2024 года знізіўся на $56 млн, або на 2 працэнты. У адносінах да ліпеня 2023 года зніжэнне склала $576 млн, або 17,7 працэнта.

Сярэдняя шырокая грашовая маса ў ліпені 2024 года вырасла ў адносінах да папярэдняга месца на 2,8 працэнта. Сярэдняя рублёвая грашовая маса павялічылася на 4,2 працэнта, у тым ліку сродкі юрыдычных асоб - на 5 працэнтаў, сродкі фізічных асоб - на 4 працэнты, наяўныя грошы ў абароце - на 3,4 працэнта.

У гадавым выражэнні прырост сярэдняй шырокай грашовай масы ў ліпені склаў 21,3 працэнта, сярэдняй рублёвай грашовай масы - 29,4 працэнта.

Аб дэвалютызацыі эканомікі сведчыць паляпшэнне структуры сярэдняй шырокай грашовай масы. Доля рублёвага складніка ў сярэдняй шырокай грашовай масе ў ліпені 2024 года ўзрасла да 58,2 працэнта з 54,5 працэнта на год раней.-0-