17 мая, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у КНР Юрый Сянько наведаў Інстытут культуры і эканомікі "Цзіньтай" у Пекіне. Аб гэтым карэспандэнту БЕЛТА паведамілі ў пасольстве нашай краіны ў Кітаі.
Адбылася сустрэча кіраўніка беларускай дыпламатычнай місіі з кіраўніком ВНУ доктарам Цай Чуаньцынам (ініцыятар комплекснага праекта традыцыйнай кітайскай медыцыны ў Кітайска-беларускім індустрыяльным парку "Вялікі камень") і генеральным дырэктарам ТАА "Кітайская карпарацыя інжынірынгу САМС" Ван Юйханам. Рэзідэнт індустрыяльнага парка - кампанія ТАА "Наваэра Біятэх" зарэгістраваны 18 сакавіка гэтага года.
На перагаворах была абмеркавана сітуацыя па барацьбе з COVID-19 і яго наступствамі. Размова ішла таксама аб планах па паэтапным развіцці напрамку традыцыйнай кітайскай медыцыны як у Беларусі, так і ў цэлым у еўрапейскім рэгіёне. Акрамя таго, разглядалася магчымасць правядзення міжнароднага форуму ў парку "Вялікі камень" па гэтай тэматыцы.-0-
