ДЗЯРЖОРГАНЫДЗЯРЖОРГАНЫ
Аўторак, 18 лютага 2020
Мінск Суцэльная воблачнасць +4°C
Усе навіны
Усе навіны
Эканоміка
27 студзеня 2020, 14:17

Сянько: 30 працэнтаў тавараў на граніцы афармляюцца ў інтарэсах Беларусі

Юрый Сянько
Юрый Сянько

27 студзеня, Мінск /Кар. БЕЛТА/. Толькі 30 працэнтаў тавараў на граніцы афармляюцца ў інтарэсах Беларусі, астатнія 70 працэнтаў накіроўваюцца транзітам праз краіну. Аб гэтым паведаміў сёння журналістам старшыня Дзяржаўнага мытнага камітэта Юрый Сянько, перадае карэспандэнт БЕЛТА.

"Толькі 30 працэнтаў тавараў на граніцы афармляюцца ў інтарэсах Беларусі, як беларускія тавары. 70 працэнтаў - гэта транзітныя тавары, якія накіроўваюцца ў іншыя краіны. З агульнай колькасці транзітных тавараў 80 працэнтаў ідуць у Расійскую Федэрацыю і з яе", - адзначыў Юрый Сянько.

Ён таксама расказаў аб рэканструкцыі, што завяршаецца, пункта пропуску "Урбаны". На яго мадэрнізацыю ўжо было выдзелена Br34 млн. "У першым квартале бягучага года будзе поўнасцю завершаны першы пускавы комплекс. Цяпер ідзе пераразмеркаванне са старой інфраструктурай на новую. Да канца года нам неабходна будзе дабудаваць другі пускавы комплекс - рэнтген-комплекс. Ён будзе пабудаваны за кошт сродкаў міжнароднай тэхнічнай дапамогі", - адзначыў старшыня ДМК.

Усяго ў 2019 годзе камітэт прыцягнуў 23 млн еўра міжнароднай тэхнічнай дапамогі. Больш за палову сумы (каля 12 млн еўра) выдзеліў Кітай, астатнюю частку - краіны Еўрапейскага саюза.

За 2019 год праз беларускую граніцу на ўвоз і на вываз перамешчана 111 млн т тавараў, што на 3,2 млн т менш за паказчыкі 2018 года: у асноўным за кошт зніжэння транзіту вугалю з Расіі чыгуначным транспартам. Пры гэтым агульны транзітны паток пры ўвозе тавараў на тэрыторыю ЕАЭС праз Беларусь вырас на 5,4 працэнта і склаў 17,5 млн т, з іх 11,4 млн т - у Расію. Колькасць перамешчанага праз беларускую граніцу грузавога транспарту таксама вырасла на 5,1 працэнта да 2,3 млн адзінак. Гэта сведчыць аб павелічэнні нагрузкі на аўтадарожныя пункты пропуску.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі