Мабільная версія
ДЗЯРЖОРГАНЫ

Апошнія навіны
Усе навіны

Сямашка акцэнтаваў увагу на перакосах у беларуска-расійскім гандлі

Эканоміка 20.11.2019 | 16:05
Фота з архіва
Фота з архіва

20 лістапада, Масква /Эдуард Півавар - БЕЛТА/. Пасол Беларусі ў Расіі Уладзімір Сямашка ў выступленні на экспертна-медыйным форуме "Саюзная дзяржава 2030 - траекторыя будучыні" ў Маскве адзначыў існуючыя перакосы ў беларуска-расійскім гандлі, праблемы, звязаныя з пастаўкамі прадукцыі на рынак РФ, паведамляе карэспандэнт БЕЛТА.

У якасці пацвярджэння Уладзімір Сямашка прывёў некаторыя лічбы. Так, па выніках 2000 года - праз год пасля падпісання Дагавора аб стварэнні Саюзнай дзяржавы, адмоўнае сальда ў гандлі з Расіяй для Беларусі складала $1,9 млрд. Дыпламат адзначыў, што асноўную ролю ў гэтым адыграла закупка ў РФ энергарэсурсаў. "Нікуды ад гэтага не дзенешся, напэўна, адмоўнае сальда і будзе, пытанне толькі ў яго памеры", - канстатаваў ён. Аднак у 2018 годзе памер адмоўнага сальда вырас амаль у пяць разоў і склаў $9,7 млрд. "Аб чым гэта сведчыць? Гэта сведчыць аб тым, што Беларусь невялікая краіна, вымушана за межамі, у трэціх краінах - у Еўрасаюзе, яшчэ недзе - вось гэту вялікую розніцу $9,7 млрд пакрываць нашаму саюзніку, партнёру за энергарэсурсы. Нам удаецца пакрываць, але вы зразумейце: $9,7 млрд - гэта вялікі мінус на фоне $80 млрд нашага ВУП", - падкрэсліў пасол.

"Другі блок лічбаў, - прадоўжыў Уладзімір Сямашка. - Возьмем 2018 год. Некаторыя гавораць: выдатны год быў, выдатна спрацавалі, наш агульны тавараабарот склаў 109,4 працэнта, на 9,4 працэнта прыраслі - гэта ў тры разы вышэй за сусветны ўзровень, так ацанілі. Але за кошт чаго прыраслі? Экспарт Расіі ў Беларусь вырас на 15,4 працэнта, а экспарт Беларусі ў Расію - толькі на 0,4 працэнта. Значыць, гэта сведчыць аб тым, што невялікая Беларусь цалкам адкрыта для расійскіх таваравытворцаў, гэта зразумела, ніякага стрымлівання няма. Але вось праблемы з пастаўкамі нашай прадукцыі на расійскі рынак усё ж такі ёсць".

Ён адзначыў, што ў тым ліку і на выпраўленне цяперашняй сітуацыі накіравана даручэнне прэзідэнтаў Беларусі і Расіі, зробленае імі амаль год таму адносна далейшага развіцця Саюзнай дзяржавы. "Была пастаўлена сур'ёзная задача: ацаніць, што зроблена, што не зроблена, што актуальна, што неактуальна, - нагадаў пасол. - І з улікам розных выклікаў актуалізаваць гэту праграму, не закранаючы ў аснове ні на ёту, ні ў адным радку, ні ў адным палажэнні сам Дагавор аб Саюзнай дзяржаве".

Экспертна-медыйны форум "Саюзная дзяржава 2030 - траекторыя будучыні" праходзіць у Маскве 20-21 лістапада. Ён арганізаваны Пастаянным камітэтам Саюзнай дзяржавы. Мерапрыемства сабрала экспертаў, палітолагаў, сацыёлагаў, кіраўнікоў СМІ, вучоных, прадстаўнікоў тэхнапаркаў і навукова-даследчых інстытутаў, а таксама маладзёжных грамадскіх і навуковых арганізацый з Беларусі і Расіі. У першы дзень мерапрыемства разглядаюцца патэнцыяльныя мадэлі развіцця Саюзнай дзяржавы і інтэграцыйныя стратэгіі ў сферы інфармацыі. У другі дзень будуць арганізаваны секцыі "Інавацыйныя тэхналогіі для вырашэння задач Саюзнай дзяржавы" і "Гуманітарнае супрацоўніцтва - тэрыторыя маладых". Акрамя таго, адбудзецца спецыяльная сесія да 75-годдзя Перамогі ў Вялікай Айчыннай вайне.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.