Сцяг Чацвер, 28 сакавіка 2024
Усе навіны
Усе навіны
Эканоміка
08 ліпеня 2020, 17:26

Сітуацыя ў эканоміцы Беларусі кантралюемая, нягледзячы на пандэмію - Галоўчанка

8 ліпеня, Барысаў /Кар. БЕЛТА/. Сітуацыя ў эканоміцы Беларусі кантралюемая, нягледзячы на пандэмію каранавіруса ў свеце, заявіў прэм'ер-міністр Раман Галоўчанка сёння ў час сустрэчы з калектывам ААТ "Барысаўскі завод аўтатрактарнага электраабсталявання" - кіруючая кампанія холдынга "Аўтакампаненты", перадае карэспандэнт БЕЛТА.

"Калі гаварыць у цэлым аб сітуацыі, не хачу сказаць, што яна абсалютна радасная, што мы лёгка праходзім гэты перыяд, але яна кантралюемая", - адзначыў Раман Галоўчанка.

Прэм'ер-міністр звярнуў увагу на складанасці, з якімі даводзіцца сутыкацца ў посткаранцінны перыяд краінам і прадпрыемствам, якія спынялі вытворчасць. "Калі за пяць месяцаў мы недабралі 1,8 працэнта ВУП, то гэтыя паказчыкі ў Расійскай Федэрацыі, краінах Еўрасаюза ў разы большыя, - сказаў ён. - Гэтыя лічбы можна кампенсаваць нейкім чынам за кошт бюджэтаў, у некага ёсць такія рэзервы, у некага карысныя выкапні, якія могуць забяспечыць пэўную падушку бяспекі. У нас такіх рэзерваў няма. Мы можам патраціць тое, што атрымаем з вытворчасці ўласнымі рукамі і розумам".

Раман Галоўчанка канстатаваў, што некаторыя галіны нават ва ўмовах пандэміі дэманструюць рост і даюць магчымасць пазбегнуць рэзкага спаду ВУП - гэта сельская гаспадарка, будаўніцтва, інфармацыя і сувязь. "Гэта значыць яны, наадварот, растуць на фоне крызісу. Добра нам дапамагае жыллёвае будаўніцтва, у бягучым годзе ўжо 8,5 тыс. шматдзетных сем'яў пачалі будаўніцтва жылля з дзяржаўнай падтрымкай. У наступным годзе гэта лічба істотна вырасце, на такую магчымасць змогуць разлічваць ужо каля 15 тыс. сем'яў", - растлумачыў ён.

Сітуацыю на спажывецкім рынку кіраўнік урада назваў даволі стабільнай. "Цэны на тавары не ўзляцелі з-за таго, што дзяржава строга рэгулявала іх, у тым ліку на сацыяльна значныя тавары", - падкрэсліў ён.

Раман Галоўчанка ўпэўнены, што далейшае развіццё краіны ў цэлым і прадпрыемства БАТЭ ў прыватнасці залежыць ад работы кожнага чалавека на сваім месцы. "Гэта ўсё цаглінкі, з якіх складаецца агульны рэзультат, як бы банальна гэта не гучала. Наколькі эфектыўна мы зможам кожны на сваім месцы спрацаваць, такі будзе і сукупны эфект", - рэзюмаваў ён.-0-

Падпісвайцеся на нас у
Twitter
Топ-навіны
Свежыя навіны Беларусі