Юрый Селіверстаў
9 снежня, Гомель /Кар. БЕЛТА/. Нягледзячы на беспрэцэдэнтны санкцыйны націск на эканомікі Беларусі, Расіі, удаецца захаваць патэнцыял развіцця. Акцэнт на гэтым зрабіў міністр фінансаў Беларусі Юрый Селіверстаў на адкрыцці міжнароднай канферэнцыі па абмене вопытам у сферы кіравання дзяржаўнымі фінансамі, якая праходзіць у Гомелі, перадае карэспандэнт БЕЛТА.
Ён падкрэсліў, што магчымасці для далейшага развіцця ёсць. "Галоўнае - разумна размеркаваць рэсурсы", - упэўнены Юрый Селіверстаў.
У размове з журналістамі ён расказаў, якім вопытам наша краіна гатова падзяліцца з удзельнікамі канферэнцыі: "Мы тая краіна, якая не валодае вялікім аб'ёмам рэсурсаў, таму праводзім работу па павышэнні эфектыўнасці ўсіх расходаў, у тым ліку праз дзяржаўныя фінансы. Як мы ажыццяўляем лічбавізацыю дзяржфінансаў, якія ў нас ёсць прыярытэты ў краіне, гатовы падзяліцца".
Юрый Селіверстаў звярнуў увагу, што апошнія гады сталі беспрэцэдэнтнымі ў плане санкцыйнага націску на эканоміку Беларусі, гэтак жа, як і на эканоміку Расіі. "У поўнай меры гэтыя абмежаванні распаўсюдзіліся і на бюджэтны сектар. Але нават у гэтых умовах удаецца захаваць патэнцыял развіцця эканомікі, дасягаць мэт, дынамічна развівацца", - зрабіў акцэнт міністр.
У размове з журналістамі ён расказаў, якім вопытам наша краіна гатова падзяліцца з удзельнікамі канферэнцыі: "Мы тая краіна, якая не валодае вялікім аб'ёмам рэсурсаў, таму праводзім работу па павышэнні эфектыўнасці ўсіх расходаў, у тым ліку праз дзяржаўныя фінансы. Як мы ажыццяўляем лічбавізацыю дзяржфінансаў, якія ў нас ёсць прыярытэты ў краіне, гатовы падзяліцца".
Міністр дадаў, што форум у Гомелі дае магчымасць убачыць і тое, як такія ж пытанні вырашаюцца ў краінах-партнёрах, і зрабіць адпаведныя высновы.
Міжнародная канферэнцыя па абмене вопытам у сферы кіравання дзяржаўнымі фінансамі праходзіць у Гомелі 9-10 снежня. У рабоце канферэнцыі прымаюць удзел прадстаўнікі пяці краін: Беларусі, Расіі, Узбекістана, Таджыкістана, Кыргызстана.-0-
Фота Сяргея Халадзіліна
Падпісвайцеся на нас у
