ДЗЯРЖОРГАНЫДЗЯРЖОРГАНЫ
Пятніца, 23 кастрычніка 2020
Мінск Пераменная воблачнасць +11°C
Усе навіны
Усе навіны
Эканоміка
16 кастрычніка 2020, 13:43

Сельгасарганізацыі ўбралі бульбу з 92,3 працэнта плошчаў

Фота з архіва
Фота з архіва

16 кастрычніка, Мінск /Кар. БЕЛТА/. Сельгасарганізацыі Беларусі ўбралі бульбу з 23,2 тыс. га, што складае 92,3 працэнта ад плана, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Накапана 660 тыс. т бульбы. Ураджайнасць склалася на ўзроўні 285 ц/га супраць 312,9 ц/га на аналагічную дату 2019 года. Самая высокая ўраджайнасць у Віцебскай вобласці - 378,9 ц/га. У тройцы рэгіёнаў з самай высокай ураджайнасцю таксама Мінская (323,2 ц/га) і Магілёўская (321,5 ц/га) вобласці.

Агародніны сабралі 94,9 тыс. т пры ўраджайнасці 219,1 ц/га (252,3 ц/га - на аналагічную дату мінулага года). Больш за трэць агародніны сабрана ў Брэсцкай вобласці (35,9 тыс. т).

Убрана 49,8 працэнта плошчаў цукровых буракоў (41 тыс. га). Накапана больш за 1,85 млн т буракоў, сярэдняя ўраджайнасць склала 452,1 ц/га (у мінулым годзе - 477,3 ц/га). Цукрыстасць буракоў - 16,1 працэнта (у 2019-м - 16,64 працэнта). На буракапрыёмныя пункты вывезена 1,5 млн т караняплодаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі