Фота з архіва
18 сакавіка, Мінск /Кар. БЕЛТА/. Сельгасарганізацыі Кіраўніцтва справамі Прэзідэнта Беларусі плануюць больш як на трэць павялічыць валавы збор рапсу, а таксама больш як на 10 працэнтаў збожжавых і зернебабовых культур з кукурузай на зерне ў свірнавай вазе. Аб гэтым паведамляе БЕЛТА са спасылкай на Кіраўніцтва справамі Прэзідэнта.
"У гэты сезон веснавых палявых работ сельскагаспадарчымі арганізацыямі Кіраўніцтва справамі Прэзідэнта плануецца пасеяць больш як 6 тыс. га яравых збожжавых і зернебабовых культур, амаль 25,8 тыс. га кукурузы, у тым ліку больш як 6,8 тыс. га на зерне. 600 га зоймуць цукровыя буракі, 483 га - бульба, 59 га - іншая агародніна адкрытага грунту", - расказалі ва ўпраўленні.
У цэлым па гаспадарках Кіраўніцтва справамі плануецца атрымаць больш за 203 тыс. т (у свірнавай вазе) ураджаю збожжавых і зернебабовых культур з кукурузай на зерне, што на 10,6 працэнта больш за ўзровень 2025 года, 24,2 тыс. т рапсу, нарасціўшы яго аб'ём да ўраджаю-2025 на 35 працэнтаў. У планах таксама сабраць больш за 19 тыс. т бульбы, 45 тыс. т цукровых буракоў і больш як 3 тыс. т іншай агародніны адкрытага грунту.
У шэрагу гаспадарак, размешчаных на тэрыторыі рэспублікі на поўдні, ужо актыўна вядуцца палявыя работы, у прыватнасці, па падкормцы азотнымі ўгнаеннямі азімых збожжавых і рапсу на зерне, якімі засеяна 25,2 тыс. га і 8 тыс. га адпаведна. "Таксама азотныя ўгнаенні ўносяцца для падкормкі шматгадовых траў на ворнай зямлі, сенажацях і пашах, калійныя ўгнаенні - пад яравую сяўбу і шматгадовыя травы ўраджаю 2026 года", - адзначылі ў Кіраўніцтве справамі.
Найбольшыя аб'ёмы гэтых работ ужо выкананы ў філіяле "Невель" ААТ "Пінскі мясакамбінат" у Пінскім раёне Брэсцкай вобласці, ААТ "Васілішкі" ў Шчучынскім раёне Гродзенскай вобласці, на 70-80 працэнтаў ад неабходнага аб'ёму ўгнаення ўнесены на палях ААТ "Баранавіцкая птушкафабрыка" (Брэсцкая вобласць) і ААТ "Агра-Ляскавічы" Петрыкаўскі і Жыткавіцкі раёны Гомельскай вобласці. Гаспадаркі, размешчаныя на тэрыторыі Мінскай і Магілёўскай абласцей, а таксама ААТ "Ціхінічы" ў Рагачоўскім раёне Гомельскай вобласці плануюць пачаць палявыя работы ў бліжэйшы час. Уся сельскагаспадарчая тэхніка да работы ў полі гатова. За зімовы перыяд праведзены неабходныя рамонтныя і прафілактычныя тэхнічныя работы.
У веданні Кіраўніцтва справамі Прэзідэнта знаходзіцца 12 арганізацый аграпрамысловага комплексу, 11 з іх, за выключэннем ААТ "Пружанскі малочны камбінат", займаюцца вырошчваннем сельскагаспадарчых культур. Агульная плошча іх сельскагаспадарчых угоддзяў складае больш як 115 тыс.га, у тым ліку ворыва 83,6 тыс.га.-0-
"У гэты сезон веснавых палявых работ сельскагаспадарчымі арганізацыямі Кіраўніцтва справамі Прэзідэнта плануецца пасеяць больш як 6 тыс. га яравых збожжавых і зернебабовых культур, амаль 25,8 тыс. га кукурузы, у тым ліку больш як 6,8 тыс. га на зерне. 600 га зоймуць цукровыя буракі, 483 га - бульба, 59 га - іншая агародніна адкрытага грунту", - расказалі ва ўпраўленні.
У цэлым па гаспадарках Кіраўніцтва справамі плануецца атрымаць больш за 203 тыс. т (у свірнавай вазе) ураджаю збожжавых і зернебабовых культур з кукурузай на зерне, што на 10,6 працэнта больш за ўзровень 2025 года, 24,2 тыс. т рапсу, нарасціўшы яго аб'ём да ўраджаю-2025 на 35 працэнтаў. У планах таксама сабраць больш за 19 тыс. т бульбы, 45 тыс. т цукровых буракоў і больш як 3 тыс. т іншай агародніны адкрытага грунту.
У шэрагу гаспадарак, размешчаных на тэрыторыі рэспублікі на поўдні, ужо актыўна вядуцца палявыя работы, у прыватнасці, па падкормцы азотнымі ўгнаеннямі азімых збожжавых і рапсу на зерне, якімі засеяна 25,2 тыс. га і 8 тыс. га адпаведна. "Таксама азотныя ўгнаенні ўносяцца для падкормкі шматгадовых траў на ворнай зямлі, сенажацях і пашах, калійныя ўгнаенні - пад яравую сяўбу і шматгадовыя травы ўраджаю 2026 года", - адзначылі ў Кіраўніцтве справамі.
Найбольшыя аб'ёмы гэтых работ ужо выкананы ў філіяле "Невель" ААТ "Пінскі мясакамбінат" у Пінскім раёне Брэсцкай вобласці, ААТ "Васілішкі" ў Шчучынскім раёне Гродзенскай вобласці, на 70-80 працэнтаў ад неабходнага аб'ёму ўгнаення ўнесены на палях ААТ "Баранавіцкая птушкафабрыка" (Брэсцкая вобласць) і ААТ "Агра-Ляскавічы" Петрыкаўскі і Жыткавіцкі раёны Гомельскай вобласці. Гаспадаркі, размешчаныя на тэрыторыі Мінскай і Магілёўскай абласцей, а таксама ААТ "Ціхінічы" ў Рагачоўскім раёне Гомельскай вобласці плануюць пачаць палявыя работы ў бліжэйшы час. Уся сельскагаспадарчая тэхніка да работы ў полі гатова. За зімовы перыяд праведзены неабходныя рамонтныя і прафілактычныя тэхнічныя работы.
У веданні Кіраўніцтва справамі Прэзідэнта знаходзіцца 12 арганізацый аграпрамысловага комплексу, 11 з іх, за выключэннем ААТ "Пружанскі малочны камбінат", займаюцца вырошчваннем сельскагаспадарчых культур. Агульная плошча іх сельскагаспадарчых угоддзяў складае больш як 115 тыс.га, у тым ліку ворыва 83,6 тыс.га.-0-
Падпісвайцеся на нас у
