23 красавіка, Масква /Кар. БЕЛТА/. Савет Еўразійскай эканамічнай камісіі прыняў рашэнне прадоўжыць бяспошлінны ўвоз у Еўразійскі эканамічны саюз шэрага тавараў для барацьбы з каранавірусам да 30 чэрвеня 2022 года. Аб гэтым паведаміла сёння на брыфінгу па выніках праведзенага 22-23 красавіка пасяджэння Савета ЕЭК памочнік старшыні Калегіі ЕЭК Ія Малкіна, перадае карэспандэнт БЕЛТА.
"На тэрыторыю саюза па-ранейшаму можна будзе бяспошлінна пастаўляць некаторыя кампаненты і матэрыялы для вытворчасці лекавых і дэзынфіцыруючых сродкаў, медыцынскія прэпараты, рэспіратары, ахоўныя акуляры, гумавыя пальчаткі, медвырабы і апаратуру, а таксама боксы і насілкі для транспарціроўкі пацыентаў", - пералічыла Ія Малкіна.
Яна ўдакладніла: гэта рашэнне будзе распаўсюджвацца на праваадносіны, які ўзніклі з 1 красавіка 2021 года.
З ініцыятывай аб прадаўжэнні бяспошліннага ўвозу тавараў для барацьбы з COVID-19 у Савет ЕЭК звярнуўся беларускі бок.-0-
