Сцяг Пятніца, 29 сакавіка 2024
Усе навіны
Усе навіны
Эканоміка
11 студзеня 2023, 19:58

Саўмін вызначыў аб'ёмы закупак сельгаспрадукцыі і сыравіны для дзяржпатрэб на 2023 год

11 студзеня, Мінск /Кар. БЕЛТА/. Урад вызначыў аб'ёмы закупак сельскагаспадарчай прадукцыі і сыравіны для рэспубліканскіх дзяржаўных патрэб на 2023 год. Гэта прадугледжана пастановай Савета Міністраў ад 5 студзеня 2023 года нумар 5, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Закупкі збожжа па дзяржзаказе прадугледжваюцца ў аб'ёме 806,5 тыс. т, у тым ліку пшаніцы - 530 тыс. т, жыта - 181 тыс. т, ячменю - 21,7 тыс. т, аўса - 34 тыс. т, грэчкі - 30 тыс. т, проса - 9,8 тыс. т.

Аб'ём закупак пачаткаў кукурузы для атрымання насення гібрыдаў першага пакалення на 2023 год складзе 22 тыс. т.

Цукровых буракоў трэба паставіць 3,25 млн т, піваварнага ячменю - 100 тыс. т. Аб'ём закупак ільновалакна для дзяржпатрэб складзе 20,7 тыс. т.

Дзяржзаказ па пастаўках алейнага семя рапсу на 2023 год зацверджаны для канцэрна "Белдзяржхарчпрам" у памеры 100 тыс. т.-0-

Падпісвайцеся на нас у
Twitter
Топ-навіны
Свежыя навіны Беларусі