Сцяг Панядзелак, 15 ліпеня 2024
Усе навіны
Усе навіны
Эканоміка
03 чэрвеня 2024, 18:24

Сагінтаеў: ЕАЭС за 10 гадоў павялічыў пастаўкі прадуктаў харчавання на сусветныя рынкі ўдвая

Бакытжан Сагінтаеў
Бакытжан Сагінтаеў
3 чэрвеня, Мінск /Кар. БЕЛТА/. Еўразійскі эканамічны саюз за апошнія 10 гадоў павялічыў пастаўкі прадуктаў харчавання на сусветныя рынкі ўдвая. Аб гэтым заявіў старшыня Калегіі Еўразійскай эканамічнай камісіі Бакытжан Сагінтаеў 3 чэрвеня на пленарнай сесіі "'Харчовая бяспека Еўразійскага эканамічнага саюза", якая прайшла на форуме "Белагра" ў рамках Еўразійскага міжурадавага савета, паведамілі БЕЛТА ў прэс-службе ЕЭК.

Бакытжан Сагінтаеў канстатаваў, што краіны ЕАЭС уносяць значны ўклад у сусветнае забеспячэнне прадуктамі харчавання: па экспарце асобных сельгаставараў саюз займае лідзіруючыя пазіцыі ў свеце. "У сваім выступленні старшыня Калегіі ЕЭК паведаміў, што за 10 гадоў экспарт прадукцыі АПК з краін ЕАЭС павялічыўся ўдвая. Саюз перайшоў у статус нета-экспарцёра са станоўчым балансам", - адзначылі ў ЕЭК.

"У 2014-2023 гадах краіны ЕАЭС нарасцілі аб'ёмы вытворчасці сельгаспрадукцыі на 125,4 працэнта. Узровень самазабяспечанасці яе асноўнымі відамі вырас да 93 працэнтаў. Узаемныя пастаўкі харчовых тавараў павялічыліся ў 1,6 раза", - сказаў кіраўнік Калегіі ЕЭК.

Гаворачы аб важнасці пераадолення залежнасці ад імпартных матэрыяльна-тэхнічных рэсурсаў, Бакытжан Сагінтаеў заклікаў развіваць вытворчасць навукаёмістых тавараў і ўкараняць інавацыйныя рашэнні ў аграрны сектар у ЕАЭС. На яго думку, гэтаму можа пасадзейнічаць у тым ліку рэалізацыя кааперацыйных праектаў. "На першым этапе плануецца падтрымка праектаў у сферы прамысловасці. У перспектыве гэты пул могуць папоўніць праекты АПК", - дадаў старшыня Калегіі ЕЭК.-0-

Фота Віталя Піваварчыка
Падпісвайцеся на нас у
Twitter
Топ-навіны
Свежыя навіны Беларусі