Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Румас: пастаўленыя пры стварэнні ЕАЭС мэты не страцілі актуальнасці

Эканоміка 21.03.2019 | 18:40
Сяргей Румас
Сяргей Румас

21 сакавіка, Мінск /Кар. БЕЛТА/. Пастаўленыя пры стварэнні Еўразійскага эканамічнага саюза мэты не страцілі актуальнасці. Аб гэтым заявіў прэм'ер-міністр Беларусі Сяргей Румас у інтэрв'ю тэлеканалу "Расія 24" для фільма пра Еўразійскі эканамічны саюз, паведамілі карэспандэнту БЕЛТА ў прэс-службе ўрада.

"Мэты, якія былі перад Еўразійскім эканамічным саюзам, і сёння не страцілі сваёй актуальнасці. Нельга сказаць, што мы дасягнулі мэт, якія ставілі перад сабой пры ўтварэнні гэтага саюза, - сказаў Сяргей Румас. - Паколькі асноўная мэта - забяспечыць бесперашкодны рух тавараў, паслуг, рабочай сілы і капіталу, а таксама выйсці на скаардынаваныя, узгодненыя і адзіныя палітыкі ў тых сектарах, якія вызначаны дагаворам аб заснаванні".

Прэм'ер-міністр адзначыў, што ўсе краіны пры ўступленні ў ЕАЭС мелі свае мэты, і, напэўна, ніводная з удзельніц не зможа сказаць, што ўсе гэтыя мэты дасягнуты і ёсць поўнае задавальненне ад таго, як функцыянуе саюз. "Разам з тым гэта не падстава гаварыць аб тым, што саюз не адбыўся і нехта расчараваўся ў ім. Гэта дадатковая магчымасць, каб паглыбляць інтэграцыю і працаваць над тымі пытаннямі, якія ў нас пакуль не атрымалася вырашыць", - дадаў кіраўнік беларускага ўрада. Беларусь цікавіць у першую чаргу стварэнне аднолькавых умоў канкурэнцыі з вырашэннем пытанняў па цэнах на энерганосьбіты, стварэнне безбар'ернага асяроддзя для гандлю і ўрэгуляванне сітуацыі з доступам на рынак дзяржзакупак.

Сяргей Румас таксама адказаў на пытанні, якія датычыліся вытворчай кааперацыі, лічбавай эканомікі і перспектыў інтэграцыі ў Еўразійскім эканамічным саюзе.

Фільм, у якім плануюцца інтэрв'ю з усімі кіраўнікамі ўрадаў краін - удзельніц саюза, здымаецца да пяцігоддзя падпісання Дагавора аб ЕАЭС.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Білеты на ІІ Еўрапейскія гульні Цырымонія адкрыцця - 21 чэрвеня, стадыён "Дынама" - кошт білета - Br150-300. Цырымонія закрыцця - 30 чэрвеня, стадыён "Дынама" - Br70-150.