6 снежня, Мінск /Кар. БЕЛТА/. Мінск разлічвае на цану газу на ўзроўні Смаленскай вобласці плюс транспарціроўка. Аб гэтым сёння журналістам паведаміў прэм'ер-міністр Беларусі Сяргей Румас, перадае карэспандэнт БЕЛТА.
Сяргей Румас абазначыў пазіцыю Беларусі па цане на расійскі газ. "Пазіцыя наша - гэта цана бліжэйшага ад нас рэгіёна РФ, Смаленскай вобласці, плюс расходы на транспарціроўку", - сказаў прэм'ер.
"Пытанне, з якога года будзе ўжо непасрэдна цана Смаленскай вобласці, - гэта прадмет перагавораў", - дадаў ён.
Кіраўнік беларускага ўрада падкрэсліў, што "аднолькавыя ўмовы для суб'ектаў гаспадарання, а ў гэтым мэта інтэграцыі, павінны ўключаць роўныя цэны на энерганосьбіты".
Як паведамлялася, у праекце рэспубліканскага бюджэту на 2020 год цана на расійскі газ для Беларусі закладзена на ўзроўні бягучага года - $127 за 1 тыс. куб.м.-0-
