Мабільная версія
ДЗЯРЖОРГАНЫ

Апошнія навіны
Усе навіны

Румас: дарожныя карты з РФ будуць падпісаны, толькі калі інтарэсы Беларусі будуць улічаны

Эканоміка 13.11.2019 | 13:04
Фота з архіва
Фота з архіва

13 лістапада, Мінск /Кар. БЕЛТА/. Дарожныя карты з РФ будуць падпісаны, толькі калі інтарэсы Беларусі будуць улічаны, заявіў сёння журналістам прэм'ер-міністр Беларусі Сяргей Румас, перадае карэспандэнт БЕЛТА.

"Мы падпішам дарожныя карты толькі ў тым выпадку, калі інтарэсы Беларусі будуць улічаны", - сказаў Сяргей Румас.

Паводле яго слоў, адна з самых складаных дарожных карт - па Падатковым кодэксе. "Краіны самастойна развівалі падатковае заканадаўства, і за вельмі кароткі перыяд яго ўніфікаваць складана тэхнічна", - растлумачыў ён. Пры гэтым ён звярнуў увагу, што размова не ідзе аб тым, каб перайсці на беларускі або расійскі кодэкс, ставіцца задача ўзяць лепшыя практыкі ў кожнай краіне і ўніфікаваць падыходы.

Кіраўнік урада звярнуў увагу, што падатковая нагрузка ў РФ ніжэйшая, і пераход для беларускіх суб'ектаў гаспадарання на паніжаныя стаўкі падаткаў быў бы выгадны. Але тады ўзнікае пытанне кампенсацыі для бюджэту, паколькі ў гэтым выпадку будуць выпадаючыя даходы. "Дыскусія з РФ ідзе якраз аб гэтым - як Беларусь будзе кампенсаваць выпадаючыя даходы, каб яны не аказалі негатыўнага ўплыву на эканоміку", - растлумачыў Сяргей Румас. Пры гэтым ён лічыць, што па падатковай карце невырашальных пытанняў няма.

Як паведамлялася, у пачатку верасня на ўзроўні прэм'ер-міністраў Беларусі і РФ былі ўзгоднены праект праграмы дзеянняў па выкананні саюзнага дагавора і пералік дарожных карт. Цяпер бакам неабходна распрацаваць 31 дарожную карту для рэалізацыі гэтай праграмы. Урады Беларусі і РФ плануюць прадставіць прэзідэнтам праекты дарожных карт да 1 снежня. Дарожныя карты будуць падпісвацца кіраўнікамі дзяржорганаў, праграма дзеянняў па выкананні саюзнага дагавора - на ўзроўні кіраўнікоў дзяржаў.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.