Фота ДКНТ
18 лютага, Мінск /Кар. БЕЛТА/. Рэзідэнты тэхнапаркаў Беларусі ў 2024 годзе павялічылі выпуск прадукцыі больш як на 20 працэнтаў. Аб гэтым паведаміў першы намеснік старшыні Дзяржаўнага камітэта па навуцы і тэхналогіях (ДКНТ) Дзяніс Каржыцкі на падагульняючым пасяджэнні калегіі ведамства, перадае карэспандэнт БЕЛТА.
"На развіццё матэрыяльна-тэхнічнай базы навукова-тэхналагічных паркаў у 2024 годзе накіравана звыш Br134 млн бюджэтных сродкаў. Пры гэтым на Br1 бюджэтнага фінансавання прыпадае Br7,4 вырабленай рэзідэнтамі тэхнапаркаў прадукцыі. Ідзе пашырэнне філіяльнай сеткі дзеючых, у тым ліку ў рэгіёнах. Так, тэхнапаркамі ТАА "ІнКата" забяспечана функцыянаванне філіялаў у гарадах Бабруйск і Маладзечна, ЗАТ "БНТП" ажыццяўляецца работа па арганізацыі філіяла ў Баранавічах", - расказаў Дзяніс Каржыцкі.
На 31 снежня 2024 года колькасць рэзідэнтаў тэхнапаркаў склала 275, што на 11 рэзідэнтаў больш, чым на пачатак года. Агульная колькасць работнікаў рэзідэнтаў тэхнапаркаў узрасла на 1067 чалавек, або на 20 працэнтаў ад узроўню 2023 года, і склала 6390 чалавек.
Аб'ём выпуску прадукцыі рэзідэнтамі тэхнапаркаў вырас больш як на 20 працэнтаў у параўнанні з папярэднім годам і склаў каля Br1 млрд. На экспарт рэзідэнтамі тэхнапаркаў адгружана прадукцыі на суму каля Br460 млн, што складае 46 працэнтаў ад агульнага аб'ёму выпушчанай прадукцыі. У параўнанні з 2023 годам гэты паказчык вырас на 29 працэнтаў.
У 2024 годзе кіраўнік дзяржавы даручыў змяніць падыходы па рэгуляванні дзейнасці тэхнапаркаў. Дзяржаўны камітэт па навуцы і тэхналогіях распрацаваў метадычныя рэкамендацыі па пацвярджэнні вядзення інавацыйнай дзейнасці рэзідэнтамі тэхнапаркаў, прыблізную форму дагавора на інавацыйную дзейнасць і форму справаздачы аб выкарыстанні сродкаў фонду інавацыйнага развіцця.
Для ўдасканалення рэгулявання работы тэхнапаркаў у 2025 годзе ДКНТ плануе ў адпаведнасці з даручэннем урада ўвесці квартальную справаздачнасць больш як па 20 паказчыках для тэхнапаркаў і іх рэзідэнтаў, зацвердзіць метадычныя рэкамендацыі па распрацоўцы бізнес-праектаў цэнтраў трансферу тэхналогій, што рэгулююць іх дзейнасць. Таксама плануецца аказваць садзейнічанне пашырэнню распрацовак рэзідэнтаў тэхнапаркаў на выставачных мерапрыемствах ДКНТ. У планах і забяспечыць арганізацыю ўдзелу рэзідэнтаў навукова-тэхналагічных паркаў у рамках экспазіцый Беларусі і спадарожных ім мерапрыемстваў (кааперацыйныя біржы, прэзентацыі навуковых арганізацый і іх распрацовак і г.д.) у краіне і замежных дзяржавах.-0-
"На развіццё матэрыяльна-тэхнічнай базы навукова-тэхналагічных паркаў у 2024 годзе накіравана звыш Br134 млн бюджэтных сродкаў. Пры гэтым на Br1 бюджэтнага фінансавання прыпадае Br7,4 вырабленай рэзідэнтамі тэхнапаркаў прадукцыі. Ідзе пашырэнне філіяльнай сеткі дзеючых, у тым ліку ў рэгіёнах. Так, тэхнапаркамі ТАА "ІнКата" забяспечана функцыянаванне філіялаў у гарадах Бабруйск і Маладзечна, ЗАТ "БНТП" ажыццяўляецца работа па арганізацыі філіяла ў Баранавічах", - расказаў Дзяніс Каржыцкі.
На 31 снежня 2024 года колькасць рэзідэнтаў тэхнапаркаў склала 275, што на 11 рэзідэнтаў больш, чым на пачатак года. Агульная колькасць работнікаў рэзідэнтаў тэхнапаркаў узрасла на 1067 чалавек, або на 20 працэнтаў ад узроўню 2023 года, і склала 6390 чалавек.
Аб'ём выпуску прадукцыі рэзідэнтамі тэхнапаркаў вырас больш як на 20 працэнтаў у параўнанні з папярэднім годам і склаў каля Br1 млрд. На экспарт рэзідэнтамі тэхнапаркаў адгружана прадукцыі на суму каля Br460 млн, што складае 46 працэнтаў ад агульнага аб'ёму выпушчанай прадукцыі. У параўнанні з 2023 годам гэты паказчык вырас на 29 працэнтаў.
У 2024 годзе кіраўнік дзяржавы даручыў змяніць падыходы па рэгуляванні дзейнасці тэхнапаркаў. Дзяржаўны камітэт па навуцы і тэхналогіях распрацаваў метадычныя рэкамендацыі па пацвярджэнні вядзення інавацыйнай дзейнасці рэзідэнтамі тэхнапаркаў, прыблізную форму дагавора на інавацыйную дзейнасць і форму справаздачы аб выкарыстанні сродкаў фонду інавацыйнага развіцця.
Для ўдасканалення рэгулявання работы тэхнапаркаў у 2025 годзе ДКНТ плануе ў адпаведнасці з даручэннем урада ўвесці квартальную справаздачнасць больш як па 20 паказчыках для тэхнапаркаў і іх рэзідэнтаў, зацвердзіць метадычныя рэкамендацыі па распрацоўцы бізнес-праектаў цэнтраў трансферу тэхналогій, што рэгулююць іх дзейнасць. Таксама плануецца аказваць садзейнічанне пашырэнню распрацовак рэзідэнтаў тэхнапаркаў на выставачных мерапрыемствах ДКНТ. У планах і забяспечыць арганізацыю ўдзелу рэзідэнтаў навукова-тэхналагічных паркаў у рамках экспазіцый Беларусі і спадарожных ім мерапрыемстваў (кааперацыйныя біржы, прэзентацыі навуковых арганізацый і іх распрацовак і г.д.) у краіне і замежных дзяржавах.-0-
Падпісвайцеся на нас у
