Фота з архіва
3 сакавіка, Мінск /Кар. БЕЛТА/. Беларуская ўніверсальная таварная біржа пачала праводзіць рэгулярныя біржавыя таргі бярозавым сокам для ўнутранага рынку. Аб гэтым паведамілі БЕЛТА ў прэс-службе БУТБ.
З мэтай забеспячэння дадатковага эканамічнага эфекту для прадаўцоў на таргах прымяняецца алгарытм прамога аўкцыёну - на павышэнне цаны.
Згодна з інфармацыяй БУТБ, здзелка аб'ёмам 10 т была заключана па выніках пілотнай гандлёвай сесіі. Першую партыю "бярозавіку" купіў буйны беларускі вытворца сокаў і нектараў, а прадаўцом выступіла лясная гаспадарка з Мінскай вобласці. Другая гандлёвая сесія прынесла яшчэ чатыры здзелкі агульным аб'ёмам 275 т. Закупку ажыццявілі два вядомыя вытворцы безалкагольных напіткаў. У якасці пастаўшчыкоў у таргах удзельнічалі лесагаспадарчыя арганізацыі Брэсцкай, Гомельскай, Гродзенскай, Мінскай і Магілёўскай абласцей.
"Продаж бярозавага соку на біржавых таргах - гэта магчымасць у канкурэнтнай барацьбе вызначыць рэальную рыначную цану гэтага запатрабаванага рэсурсу. Штогод прадпрыемствамі лясной гаспадаркі нашай краіны нарыхтоўваецца каля 18-20 тыс. т бярозавага соку, пры гэтым асноўныя аб'ёмы ідуць на далейшую перапрацоўку. Паколькі гэта яшчэ вельмі малады сегмент біржавага рынку, у таргах пакуль што ўдзельнічаюць не ўсе вытворцы і спажыўцы соку. Аднак па меры развіцця гэтага напрамку канцэнтрацыя прапанавання і попыту будзе, безумоўна, павышацца", - пракаменціравалі ў прэс-службе БУТБ.
На працягу ўсяго нарыхтоўчага сезона біржавыя таргі бярозавым сокам будуць праводзіцца штотыднёва па панядзелках. Заяўкі на продаж падаюцца не пазней за 15.00 рабочага дня, які папярэднічае дню таргоў, а на куплю - не пазней за 9.00 дня таргоў.
З актуальнымі біржавымі каціроўкамі на бярозавы сок можна азнаёміцца на сайце БУТБ. Цяпер сярэднеўзважаны кошт тоны соку з адтэрміноўкай плацяжу складае 294,5 бел. руб. на ўмовах "франка-склад прадаўца" і 308,9 бел. руб. на ўмовах "франка-склад пакупніка".
З мэтай забеспячэння дадатковага эканамічнага эфекту для прадаўцоў на таргах прымяняецца алгарытм прамога аўкцыёну - на павышэнне цаны.
Згодна з інфармацыяй БУТБ, здзелка аб'ёмам 10 т была заключана па выніках пілотнай гандлёвай сесіі. Першую партыю "бярозавіку" купіў буйны беларускі вытворца сокаў і нектараў, а прадаўцом выступіла лясная гаспадарка з Мінскай вобласці. Другая гандлёвая сесія прынесла яшчэ чатыры здзелкі агульным аб'ёмам 275 т. Закупку ажыццявілі два вядомыя вытворцы безалкагольных напіткаў. У якасці пастаўшчыкоў у таргах удзельнічалі лесагаспадарчыя арганізацыі Брэсцкай, Гомельскай, Гродзенскай, Мінскай і Магілёўскай абласцей.
"Продаж бярозавага соку на біржавых таргах - гэта магчымасць у канкурэнтнай барацьбе вызначыць рэальную рыначную цану гэтага запатрабаванага рэсурсу. Штогод прадпрыемствамі лясной гаспадаркі нашай краіны нарыхтоўваецца каля 18-20 тыс. т бярозавага соку, пры гэтым асноўныя аб'ёмы ідуць на далейшую перапрацоўку. Паколькі гэта яшчэ вельмі малады сегмент біржавага рынку, у таргах пакуль што ўдзельнічаюць не ўсе вытворцы і спажыўцы соку. Аднак па меры развіцця гэтага напрамку канцэнтрацыя прапанавання і попыту будзе, безумоўна, павышацца", - пракаменціравалі ў прэс-службе БУТБ.
На працягу ўсяго нарыхтоўчага сезона біржавыя таргі бярозавым сокам будуць праводзіцца штотыднёва па панядзелках. Заяўкі на продаж падаюцца не пазней за 15.00 рабочага дня, які папярэднічае дню таргоў, а на куплю - не пазней за 9.00 дня таргоў.
З актуальнымі біржавымі каціроўкамі на бярозавы сок можна азнаёміцца на сайце БУТБ. Цяпер сярэднеўзважаны кошт тоны соку з адтэрміноўкай плацяжу складае 294,5 бел. руб. на ўмовах "франка-склад прадаўца" і 308,9 бел. руб. на ўмовах "франка-склад пакупніка".
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
