Рэальныя грашовыя даходы насельніцтва ў Беларусі ў студзені-красавіку выраслі на 9,8 працэнта

17 чэрвеня, Мінск /Кар. БЕЛТА/. Рэальныя наяўныя грашовыя даходы насельніцтва Рэспублікі Беларусь у студзені-красавіку 2024 года склалі 109,8 працэнта да ўзроўню студзеня-красавіка 2023 года, паведамілі БЕЛТА ў Нацыянальным статыстычным камітэце.

У агульным аб'ёме грашовых даходаў аплата працы займае 64,3 працэнта, трансферты насельніцтву (пенсіі, дапамогі, стыпендыі і інш.) - 22,9 працэнта, даходы ад прадпрымальніцкай і іншай дзейнасці, што прыносіць даход, - 8 працэнтаў, даходы ад уласнасці і іншыя даходы - 4,8 працэнта.

Статыстычныя даныя па грашовых даходах сфарміраваны за вылікам падаткаў, збораў і ўзносаў, скарэкціраваных на індэкс спажывецкіх цэн на тавары і паслугі.-0-