Мабільная версія
ДЗЯРЖОРГАНЫ

Апошнія навіны
Усе навіны

Рассельгаснагляд зняў абмежаванні на пастаўку малочнай прадукцыі з двух беларускіх прадпрыемстваў

Эканоміка 07.12.2018 | 09:00

7 снежня, Мінск /Кар. БЕЛТА/. Рассельгаснагляд з 7 снежня адмяняе ўведзеныя раней часовыя абмежаванні на пастаўкі ў Расію малочнай прадукцыі двух беларускіх прадпрыемстваў, паведамляе БЕЛТА са спасылкай на сайт ведамства.

Абмежаванні зняты з паставак масла, сыру, тварагу і тварожнай прадукцыі, сухой малочнай сыроваткі вытворчасці Браслаўскага філіяла УПП "Глыбоцкі малочна-кансервавы камбінат", а таксама сыру з ААТ "Маладзечанскі малочны камбінат".

Акрамя таго, Рассельгаснагляд пашырае пералік прадукцыі, якую дазволена ўвозіць у Расію з ААТ "Мілкавіта". З 7 снежня магчымы пастаўкі натуральнамалочнай прадукцыі гэтай кампаніі. Такое рашэнне ведамства прыняло па выніках двухбаковых кансультацый 16 і 30 кастрычніка, а таксама з улікам прадстаўленай інфармацыі і гарантый Дэпартамента ветэрынарнага і харчовага нагляду Міністэрства сельскай гаспадаркі і харчавання Беларусі.

Прадукцыя, якая пастаўляецца ў Расію, павінна быць выпрацавана не раней за 7 снежня, а таксама суправаджацца электронным ветэрынарным сертыфікатам.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.