ДЗЯРЖОРГАНЫДЗЯРЖОРГАНЫ
Серада, 22 студзеня 2020
Мінск Суцэльная воблачнасць +3°C
Усе навіны
Усе навіны
Эканоміка
23 ліпеня 2019, 18:37

Рассельгаснагляд адмяняе абмежаванні на пастаўкі беларускіх яблыкаў

Фота з архіва
Фота з архіва

23 ліпеня, Мінск /Кар. БЕЛТА/. Федэральная служба па ветэрынарным і фітасанітарным наглядзе (Рассельгаснагляд) з 24 ліпеня адмяняе ўведзеныя раней абмежаванні на ўвоз яблыкаў беларускага паходжання пад гарантыі Галоўнай дзяржаўнай інспекцыі па насенняводстве, каранціне і абароне раслін Беларусі. Такая інфармацыя размешчана на сайце расійскага ведамства, паведамляе БЕЛТА.

Рашэнне было прынята па выніках рабочага візіту спецыялістаў Рассельгаснагляду з 15 па 20 ліпеня ў Беларусь з мэтай ацэнкі вытворчых магутнасцей на прадпрыемствах па вырошчванні яблыкаў.

Расійскія спецыялісты ацанілі дзейнасць 51 беларускага прадпрыемства, атрымалі інфармацыю аб плошчы садоў, занятых пладаноснымі яблынямі, іх сартавым складзе і ўраджайнасці. Таксама спецыялістам службы былі прадастаўлены звесткі аб планавай вытворчасці яблыкаў у 2019 годзе, наяўнасці ў кампаній фруктасховішчаў і тэрмінах захоўвання яблыкаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі