ДЗЯРЖОРГАНЫДЗЯРЖОРГАНЫ
Флаг Субота, 10 чэрвеня 2023
Мінск Суцэльная воблачнасць +18°C
Усе навіны
Усе навіны
Эканоміка
26 мая 2023, 13:45

Расійскія металавытворцы маюць намер павялічваць долю біржавых продажаў у Беларусі

Фота БУТБ
Фота БУТБ

26 мая, Мінск /Кар. БЕЛТА/. Расійскія металавытворцы маюць намер павялічваць долю біржавых продажаў у Беларусі, паведамілі карэспандэнту БЕЛТА ў прэс-службе БУТБ.

Гатоўнасць павялічваць аб'ёмы паставак металаў і металавырабаў у Беларусь праз Беларускую ўніверсальную таварную біржу (БУТБ) пацвердзіў шэраг вядучых металургічных прадпрыемстваў Расійскай Федэрацыі, уключаючы "Поўначсталь", Выксунскі металургічны завод, Мыцішчанскі трубны завод, "Курганстальмост", "Тулачормет" і ВМК "Чырвоны Кастрычнік". Пра намер выкарыстоўваць біржавую пляцоўку для рэалізацыі сваёй прадукцыі на беларускім біржавым рынку непасрэдна ад вытворцаў або праз збытавыя структуры заявілі такія вялікія металавытворцы, як Ашынскі металургічны завод, Магнітагорскі металургічны камбінат і Каменск-Уральскі металургічны завод. Дамоўленасць аб гэтым дасягнута па выніках праведзенага ў Мінску беларуска-расійскага бізнес-форуму, прысвечанага біржавому гандлю прадукцыяй металургічнай галіны. Арганізатарамі мерапрыемства, якое сабрала больш за 180 удзельнікаў, выступілі БУТБ і Расійскі саюз пастаўшчыкоў металапрадукцыі (РСПМ).

Паводле даных БУТБ, на сённяшні дзень каля 93 працэнтаў ад агульнага аб'ёму чорнага металапракату, што рэалізуецца на біржавых таргах, вырабляецца ў Расійскай Федэрацыі. Пры гэтым чакаецца, што ў далейшым сумесны біржавы рынак металу Беларусі і Расіі будзе расці яшчэ больш высокімі тэмпамі, сказаў прэзідэнт РСПМ Аляксандр Раманаў у ходзе абмеркавання перспектыў развіцця беларуска-расійскага супрацоўніцтва ў галіне закупак металу на біржавых таргах.

"За апошні год кардынальным чынам змянілася канфігурацыя эканомікі, перабудавалася геаграфія расійскага экспарту і трансфармавалася яго структура. Аднак Беларусь па-ранейшаму застаецца нашым гандлёвым партнёрам нумар адзін, і я ўпэўнены, што ў бліжэйшыя гады нашы партнёрскія сувязі будуць толькі мацнець. Паколькі Беларусь і Расія знаходзяцца ў адзінай эканамічнай прасторы, у нас сфарміраваны агульны рынак, які мы павінны сумесна развіваць. І беларуская біржавая пляцоўка можа адыграць у гэтым ключавую ролю. З аднаго боку, яна забяспечвае канкурэнтны механізм цэнаўтварэння і надзейныя інструменты кантролю за выкананнем здзелак, а з другога - імкнецца ў аднолькавай ступені ўлічваць інтарэсы прадаўцоў і пакупнікоў, ствараючы аптымальныя ўмовы для ўзаемавыгаднага гандлю. Таму шматлікія расійскія металавытворцы і металатрэйдары, у тым ліку члены нашага саюза, пачалі актыўна выкарыстоўваць гэты механізм для рэалізацыі сваіх збытавых магчымасцей, і ўсё паказвае на тое, што з цягам часу гэта тэндэнцыя будзе ўзмацняцца", - лічыць ён.

Гэта пацвярджаюць і вынікі работы секцыі металапрадукцыі БУТБ, дадалі ў прэс-службе беларускай біржы. У параўнанні са студзенем-красавіком 2022 года паказчыкі біржавых продажаў выраслі на 14 працэнтаў у грашовым выражэнні і на 40 працэнтаў у натуральным. Пры гэтым сярод замежных пастаўшчыкоў лідзіравалі кампаніі з Расійскай Федэрацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі