26 лютага, Мінск /Кар. БЕЛТА/. Беларусі выдзелены квоты здабычы водных біялагічных рэсурсаў у выключнай эканамічнай зоне Расіі на 2020 год, паведамілі БЕЛТА ў прэс-службе Міністэрства сельскай гаспадаркі і харчавання.
Квоты на вылаў траскі ў Баранцавым моры склалі 4171 т, пікшы - 1664 т, паўночнай крэветкі - 500 т. Што датычыцца Балтыйскага мора, то квоты на здабычу траскі ў 2020 годзе - 100 т, шпротаў (кількі) - 800 т, балтыйскага селядца (салакі) - 100 т. "Пры гэтым беларускі бок зноў звярнуўся да расійскага з просьбай павялічыць да 9 тыс. т і замацаваць на доўгатэрміновай аснове штогадовы аб'ём квот здабычы водных біялагічных рэсурсаў у Баранцавым моры", - адзначылі ў прэс-службе.
Расійскі бок разгледзіць гэту просьбу і паведаміць аб сваім рашэнні на наступнай сесіі расійска-беларускай змешанай камісіі ў галіне рыбнай гаспадаркі, правядзенне якой запланавана ў ІV квартале 2020 года.-0-