ДЗЯРЖОРГАНЫДЗЯРЖОРГАНЫ
Флаг Серада, 10 жніўня 2022
Мінск Ясна +21°C
Усе навіны
Усе навіны
Эканоміка
06 чэрвеня 2016, 11:42

Расія праяўляе эканамічны эгаізм у ІТ-сектары - Цапкала

6 чэрвеня, Мінск /Кар. БЕЛТА/. Расія праяўляе эканамічны эгаізм у ІТ-сектары. Такое меркаванне выказаў дырэктар Парка высокіх тэхналогій Валерый Цапкала ў эфіры праграмы "Контуры", паведамляе БЕЛТА.

"Расійская Федэрацыя прыняла рэестр нацыянальных вытворцаў праграмнага забеспячэння, у які не ўключыла беларускія фірмы. І цяпер расійскі рынак адкрыты ў першую чаргу для іх кампаній. І калі толькі расійскіх кампаній няма, то тады дапускаюцца іншыя. Гэта было даволі непрыемна для многіх нашых кампаній. І, зразумела, ламае тыя дамоўленасці, якія былі дасягнуты ў тым ліку ў рамках Саюзнай дзяржавы, - сказаў Валерый Цапкала. - Разам з тым на рынак ЕАЭС паступае толькі 10 працэнтаў нашага экспарту. І мы можам пераарыентаваць свае патокі на іншыя рынкі, тым больш што рэпутацыя кампаній ПВТ настолькі высокая, што вялікая колькасць заходніх кліентаў хочуць з намі працаваць".

"Мы працуем у асноўным на рынках развітых краін. На рынку постсавецкіх краін мы працуем не так актыўна. Хоць ён таксама для нас цікавы, - падкрэсліў дырэктар ПВТ. - Мне здаецца, асноўны шлях для ўсіх сектараў эканомікі - шукаць магчымасці па ўсім зямным шары, не абмяжоўвацца традыцыйнымі рынкамі збыту. Трэба разумець, што свет глабалізуецца, таму трэба шукаць рынкі, якія могуць плаціць за беларускую прадукцыю высокай сусветнай якасці, або трэба прапаноўваць прадукты, якія будуць выйграваць па цане і не вельмі прайграваць па якасці".

Што датычыцца ПВТ, то ён, паводле слоў дырэктара, "упісаўся ў сусветны падзел працы ў самым высокім сегменце, нараўне канкурыруе з самымі развітымі краінамі свету, стварае прадукты, якія ўваходзяць у топ самых вядомых". "Так, мабільнымі дадаткамі, распрацаванымі рэзідэнтамі ПВТ, карыстаюцца 900 млн чалавек. З 10 буйнейшых кампаній свету (паводле версіі Forbes) 5 з'яўляюцца нашымі кліентамі, - падкрэсліў Валерый Цапкала. - Гэта сведчыць аб тым, што мы знаходзімся на самым высокім сусветным узроўні ў такім сегменце бізнесу".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі