4 снежня, Мінск /Кар. БЕЛТА/. Рабочая група па актуальных пытаннях беларуска-расійскага супрацоўніцтва створана распараджэннем прэм'ер-міністра Беларусі ад 30 лістапада 2018 года нумар 358р. Яе ўзначаліў намеснік прэм'ер-міністра Ігар Петрышэнка, паведамляе БЕЛТА са спасылкай на сайт урада.
Рабочая група ўпаўнаважана выпрацоўваць пазіцыі па актуальных пытаннях супрацоўніцтва Беларусі і Расіі і ўносіць ва ўрад Беларусі прапановы па іх вырашэнні (пры неабходнасці з праектамі нарматыўных прававых актаў).
Таксама ёй даручана забяспечыць узаемадзеянне са створанай у РФ рабочай групай па пытаннях расійска-беларускіх адносін.
У складзе рабочай групы прадстаўнікі МЗС, НАН, Міністэрства аховы здароўя, МАРГ, Мінфіна, Мінтранса, МУС, ДМК, Мінэнерга, Мінпрам, МПЗ, КДБ, "Белнафтахіма", Мінсельгасхарча, Мінэканомікі.-0-
