Мабільная версія
ДЗЯРЖОРГАНЫ
Апошнія навіны
Усе навіны

Прыватны бізнес адыгрывае значную ролю ў развіцці мэблевай галіны ў Беларусі - Ляшэнка

Эканоміка 12.09.2018 | 18:29
Фота з архіва
Фота з архіва

12 верасня, Мінск /Кар. БЕЛТА/. Прыватны бізнес адыгрывае значную ролю ў развіцці мэблевай галіны ў Беларусі. Аб гэтым заявіў сёння журналістам намеснік прэм'ер-міністра Беларусі Ігар Ляшэнка ў час 25-й міжнароднай спецыялізаванай выстаўкі-кірмашу "Мэбля-2018", перадае карэспандэнт БЕЛТА.

"Важнасць мэблевай галіны нельга пераацаніць, паколькі гэта адна з нямногіх галін, дзе выкарыстоўваецца вялікі працэнт айчыннай сыравіны. Кіраўнік дзяржавы абсалютна правільна паставіў задачу выкарыстоўваць уласныя рэсурсы для вытворчасці прадукцыі з максімальнай дабаўленай вартасцю. У гэтай сферы гэта рэалізавана, - сказаў Ігар Ляшэнка. - У мэблевай галіне прыватны бізнес займае значную ўдзельную вагу - дзве трэці. Прыемна, што ёсць актыўнасць бізнесу. А наша справа як урада стварыць макраэканамічныя ўмовы для развіцця галіны".

Віцэ-прэм'ер адзначыў значнасць навукі для галіны. "БДТУ працуе над хімічнымі прэпаратамі для апрацоўкі мэблі. У далейшым я буду рэкамендаваць абавязкова прысутнічаць на галіновых справаздачах і там праводзіць прэзентацыю навінак", - дадаў ён.

"Мы бачым, што не ўсе замежныя ўдзельнікі рынку вядуць добрасумленную канкурэнцыю на рынку Беларусі. Таму Дзяржстандарту разам з канцэрнам "Беллеспаперапрам" будзе пастаўлена задача ўкараніць эфектыўныя мерапрыемствы для таго, каб абараніць спажыўцоў ад няякаснай прадукцыі", - звярнуў увагу Ігар Ляшэнка.

25-я міжнародная спецыялізаваная выстаўка-кірмаш "Мэбля-2018" праходзіць у Мінску 12-15 верасня. Вядучыя вытворцы мэблі ў Беларусі, да якіх адносяцца прадпрыемствы "Беллеспаперапрама" і Асацыяцыі прадпрыемстваў мэблевай і дрэваапрацоўчай прамысловасці, арганізавалі кансалідаваную экспазіцыю. У час выстаўкі 13 верасня пройдзе бізнес-форум "Дрэваапрацоўка і мэбля Беларусі". Яго мэта - аказаць садзейнічанне беларускім вытворцам мэблі і іншай прадукцыі дрэваапрацоўкі ў выхадзе на новыя рынкі збыту, у прыватнасці на рынкі Германіі, Аўстрыі і суседніх краін. Будуць падведзены вынікі II Рэспубліканскага конкурсу праектаў прамысловага дызайну ў мэблевай галіне, конкурсаў "Лепшае мэблевае прадпрыемства года" і "Лепшая мэбля Беларусі-2018". -0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.