ДЗЯРЖОРГАНЫДЗЯРЖОРГАНЫ
Нядзеля, 17 студзеня 2021
Мінск Малавоблачна -23°C
Усе навіны
Усе навіны
Эканоміка
26 лістапада 2020, 20:00

Прысутнасць беларускага бізнесу ў егіпецкіх свабодных зонах будзе пашырана

Фота з архіва
Фота з архіва

26 лістапада, Мінск /Аліна Грышкевіч - БЕЛТА/. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет Сяргей Цярэнцьеў сустрэўся з выканаўчым дырэктарам Генеральнага агенцтва па інвестыцыях і свабодных зонах Егіпта Махамедам Абдэль Вахабам. Аб гэтым карэспандэнту БЕЛТА расказалі ў беларускім пасольстве ў Егіпце.

Субяседнікі абмеркавалі бягучы стан і перспектывы развіцця інвестыцыйнага і гандлёва-эканамічнага супрацоўніцтва паміж Беларуссю і Егіптам. Пасол высока ацаніў эфектыўныя меры, што прымаюцца егіпецкім кіраўніцтвам і генеральным агенцтвам для падтрымання эканамічнага росту і захавання інвестыцыйнай прывабнасці Егіпта ва ўмовах пандэміі.

Акрамя таго, разгледжаны перспектывы нарошчвання аб'ёмаў узаемных інвестыцый, павелічэння колькасці беларускіх кампаній, якія працуюць у Егіпце, пашырэння прысутнасці беларускага бізнесу ў егіпецкіх свабодных зонах. Таксама закраналіся пытанні рэалізацыі сумесных прамысловых праектаў у частцы пашырэння і маркетынгу сумеснай прадукцыі ў краінах Афрыкі.

На сустрэчы размова ішла аб актывізацыі кантактаў паміж Генеральным агенцтвам па інвестыцыях і свабодных зонах Егіпта і Нацыянальным агенцтвам па інвестыцыях і прыватызацыі Рэспублікі Беларусь у адпаведнасці з Мемарандумам аб узаемаразуменні, падпісаным паміж гэтымі арганізацыямі ў маі 2017 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі