Сцяг Пятніца, 29 сакавіка 2024
Усе навіны
Усе навіны
Эканоміка
05 снежня 2018, 17:00

Продажы новых аўто ў Беларусі ў студзені-верасні выраслі на 62 працэнты

5 снежня, Мінск /Кар. БЕЛТА/. У Беларусі за 9 месяцаў бягучага года істотна выраслі продажы аўтамабіляў. Аб гэтым паведаміла сёння журналістам начальнік упраўлення арганізацыі гандлю і грамадскага харчавання Міністэрства антыманапольнага рэгулявання і гандлю Віялета Бразоўская, перадае карэспандэнт БЕЛТА.

Начальнік упраўлення канстатавала, што сітуацыя па забеспячэнні ўнутранага рынку стабільная. Назіраецца рост аб'ёмаў продажаў практычна па ўсіх харчовых і нехарчовых таварах. У прыватнасці, продажы аўто ў параўнанні са студзенем - вераснем 2017 года выраслі на 49 працэнтаў, новых аўтамабіляў прададзена на 62 працэнты больш. Прыкметна павялічыліся таксама продажы піламатэрыялаў (на 17 працэнтаў), маторнага і дызельнага паліва (на 18 працэнтаў і 20 працэнтаў адпаведна), верхняга адзення (на 21 працэнт), халадзільнікаў і маразільнікаў, пральных машын (на 34 працэнты), тэлевізараў (на 50 працэнтаў).

Што датычыцца харчовых тавараў, то тут больш прыкметны рост назіраўся па продажах мяса і мясных прадуктаў - на 6 працэнтаў, рыбы, ракападобных і малюскаў - на 13,9 працэнта, на 23 працэнты больш за гэты перыяд прададзена мінеральнай вады, на 32 працэнты - слабаалкагольных напіткаў.-0-

Падпісвайцеся на нас у
Twitter
Топ-навіны
Свежыя навіны Беларусі