13 лютага, Мінск /Кар. БЕЛТА/. Прэзідэнт Еўрапейскага банка рэканструкцыі і развіцця Сума Чакрабарці ўпершыню наведае Беларусь, паведамілі БЕЛТА ў прадстаўніцтве ЕБРР у Беларусі.
У час візіту прэзідэнта ЕБРР 17-18 лютага чакаюцца сустрэчы з афіцыйнымі асобамі. Акрамя таго, Сума Чакрабарці плануе наведаць швейцарска-беларускі завод па вытворчасці электратранспарту ААТ "Штадлер Мінск" у Фаніпалі Мінскай вобласці. ЕБРР прымае ўдзел у фінансаванні гэтага праекта.
Дзейнасць ЕБРР у Беларусі вызначана краінавай стратэгіяй банка, прынятай у сакавіку 2013 года і накіраванай галоўным чынам на развіццё прыватнага сектара. За апошнія тры гады ЕБРР практычна ў 4 разы павялічыў аб'ём інвестыцый і партфель праектаў у краіне.
Еўрапейскі банк рэканструкцыі і развіцця створаны ў 1991 годзе, з'яўляецца буйнейшым інвестарам у рэгіёне і акрамя выдзялення сваіх сродкаў прыцягвае значныя аб'ёмы прамых замежных інвестыцый. З дапамогай сваіх інвестыцый ЕБРР садзейнічае правядзенню структурных і галіновых рэформ; развіццю канкурэнцыі, прыватызацыі і прадпрымальніцтва; умацаванню фінансавых арганізацый і прававых сістэм; развіццю неабходнай інфраструктуры для падтрымкі прыватнага сектара; укараненню надзейна працуючай сістэмы карпаратыўнага кіравання, у тым ліку і ў мэтах вырашэння прыродаахоўных праблем.
Беларусь стала членам ЕБРР у 1992 годзе. На працягу апошніх гадоў супрацоўніцтва характарызуецца паступальным і ўзважаным рухам наперад.
У час візіту прэзідэнта ЕБРР 17-18 лютага чакаюцца сустрэчы з афіцыйнымі асобамі. Акрамя таго, Сума Чакрабарці плануе наведаць швейцарска-беларускі завод па вытворчасці электратранспарту ААТ "Штадлер Мінск" у Фаніпалі Мінскай вобласці. ЕБРР прымае ўдзел у фінансаванні гэтага праекта.
Дзейнасць ЕБРР у Беларусі вызначана краінавай стратэгіяй банка, прынятай у сакавіку 2013 года і накіраванай галоўным чынам на развіццё прыватнага сектара. За апошнія тры гады ЕБРР практычна ў 4 разы павялічыў аб'ём інвестыцый і партфель праектаў у краіне.
Еўрапейскі банк рэканструкцыі і развіцця створаны ў 1991 годзе, з'яўляецца буйнейшым інвестарам у рэгіёне і акрамя выдзялення сваіх сродкаў прыцягвае значныя аб'ёмы прамых замежных інвестыцый. З дапамогай сваіх інвестыцый ЕБРР садзейнічае правядзенню структурных і галіновых рэформ; развіццю канкурэнцыі, прыватызацыі і прадпрымальніцтва; умацаванню фінансавых арганізацый і прававых сістэм; развіццю неабходнай інфраструктуры для падтрымкі прыватнага сектара; укараненню надзейна працуючай сістэмы карпаратыўнага кіравання, у тым ліку і ў мэтах вырашэння прыродаахоўных праблем.
Беларусь стала членам ЕБРР у 1992 годзе. На працягу апошніх гадоў супрацоўніцтва характарызуецца паступальным і ўзважаным рухам наперад.
