24 верасня, Мінск /Кар. БЕЛТА/. У Беларусі зацверджаны авіяцыйныя правілы забеспячэння грамадзянскай авіяцыі гаруча-змазачнымі матэрыяламі (ГЗМ) і спецыяльнымі вадкасцямі. Пастанова Міністэрства транспарту і камунікацый ад 18 сакавіка 2019 года нумар 14 апублікавана сёння на Нацыянальным прававым інтэрнэт-партале, паведамляе БЕЛТА.
Правілы ўстанаўліваюць патрабаванні да авіяцыйных арганізацый і іх падраздзяленняў у частцы авіяГЗМ, вызначаюць нарматыўна-тэхнічныя асновы па іх прыёме, захоўванні, падрыхтоўцы і прымяненні. Яны з'яўляюцца асноўным дакументам для далейшай распрацоўкі тэхналагічных інструкцый (тэхналогій), тэхналагічных карт і службовых інструкцый для персаналу з улікам канкрэтнай спецыфікі.
Плануецца ўвядзенне адзінага парадку і аб'ёму кантролю якасці авіяГЗМ пры паступленні ў службу, участак ГЗМ авіяцыйнай арганізацыі, пры захоўванні на складах і пры выдачы на запраўку паветраных суднаў, а таксама пры кантролі якасці прадукцыі, што выдаецца на часовыя аэрадромы і пасадачныя пляцоўкі.
Пастанова прынята на падставе арт. 6 Паветранага кодэкса і ўступае ў сілу пасля афіцыйнага апублікавання.-0-
