Мабільная версія
ДЗЯРЖОРГАНЫ

Апошнія навіны
Усе навіны

Правілы цеплазабеспячэння зацверджаны ў Беларусі

Эканоміка 12.09.2019 | 12:41
Фота з архіва
Фота з архіва

12 верасня, Мінск /Кар. БЕЛТА/. Урад зацвердзіў правілы цеплазабеспячэння. Адпаведнае рашэнне замацавана пастановай Савета Міністраў нумар 609 ад 11 верасня 2019 года, паведамляе БЕЛТА са спасылкай на прэс-службу ўрада.

Правіламі вызначаны парадак узаемаадносін спажыўцоў цеплавой энергіі з энергазабеспячальнымі арганізацыямі па заключэнні, выкананні, змяненні, прадаўжэнні і спыненні дагавораў цеплазабеспячэння; далучэння сістэм цепласпажывання да цеплавых сетак. Таксама вызначаецца парадак складання і прымянення графікаў абмежавання і аварыйнага адключэння спажыўцоў цеплавой энергіі і магутнасці; арганізацыі ўліку цеплавой энергіі і цепланосьбіта; разлікаў за цеплавую энергію і цепланосьбіт.

Правілы не распаўсюджваюцца на парадак аказання жыллёва-камунальных паслуг па цеплазабеспячэнні і гарачым водазабеспячэнні.

Як растлумачылі ва ўрадзе, неабходнасць зацвярджэння правіл абумоўлена спецыфікай забеспячэння цеплавой энергіяй і яе спажывання. Пры гэтым прымаецца пад увагу тое, што цеплавая энергія з'яўляецца таварам, улічваюцца бесперапыннасць тэхналагічнай сувязі вытворчасці, перадачы, размеркавання, продажу і спажывання цеплаэнергіі, дзяржаўная палітыка Беларусі ў галіне энергазберажэння, а таксама патэнцыяльная небяспека цеплаўстановак, цеплатэхнічнага абсталявання і збудаванняў.

Згодна з дакументам, рэспубліканскія органы дзяржкіравання, аблвыканкамы і Мінскі гарвыканкам у трохмесячны тэрмін павінны прывесці свае нарматыўныя прававыя акты ў адпаведнасць з гэтай пастановай і прыняць меры па яе рэалізацыі.

Даваць тлумачэнні па прымяненні зацверджаных правіл даручана Міністэрству энергетыкі і Міністэрству жыллёва-камунальнай гаспадаркі.

Пастанова прынята для ўдасканалення дзяржаўнага рэгулявання ў галіне цеплазабеспячэння. Асноўныя пункты дакумента ўступаюць у сілу праз тры месяцы пасля яго афіцыйнага апублікавання.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).