Мабільная версія
ДЗЯРЖОРГАНЫ

Апошнія навіны
Усе навіны

Праверыць дзелавую рэпутацыю суб'екта гаспадарання можна на адзіным партале электронных паслуг

Эканоміка 19.07.2019 | 14:41
Фота з архіва
Фота з архіва

19 ліпеня, Мінск /Кар. БЕЛТА/. Паслуга па праверцы добранадзейнасці дзелавой рэпутацыі даступна на адзіным партале электронных паслуг, паведамілі БЕЛТА ў Нацыянальным цэнтры электронных паслуг.

Электронная паслуга прадастаўляецца юрыдычным асобам, індывідуальным прадпрымальнікам, фізічным асобам у выглядзе інфармацыі на аснове звестак некалькіх дзяржаўных інфармацыйных рэсурсаў, інтэграваных з агульнадзяржаўнай аўтаматызаванай інфармацыйнай сістэмай (ААІС).

Звесткі прадастаўляюцца ў прывязцы да УНП. Калі УНП невядомы, то карыстальнік можа скарыстацца пошукам па назве, выбраць контрагента і далей атрымаць інфармацыю па канкрэтным УНП.

Пры атрыманні паслугі прадастаўляецца агульная інфармацыя аб суб'екце гаспадарання, звесткі аб знаходжанні ў Дзяржаўным рэестры плацельшчыкаў, наяўнасці або адсутнасці запазычанасці перад бюджэтам, інфармацыя па справах аб банкруцтве, а таксама аб уключэнні суб'ектаў гаспадарання ў план выбарачных праверак КДК, звесткі Гандлёвага рэестра.

"Гэта першая такая электронная паслуга, калі інфармацыя з сямі дзяржаўных баз даных прадастаўляецца комплексна, па адным кліку, і не трэба атрымліваць звесткі асобна па сямі запытах", - адзначылі ў НЦЭП.

Для юрыдычных асоб, ІП паслуга даступна з выкарыстаннем электроннага лічбавага подпісу, фізічным асобам - па ўнікальным ідэнтыфікатары, які ўключае ў сябе лагін (імя ўліковага запісу грамадзяніна ў ААІС) і пароль.

Паслуга па праверцы добранадзейнасці дзелавой рэпутацыі платная - ацэнка рызык перад патэнцыяльнай здзелкай каштуе 42 капейкі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).