Мабільная версія
ДЗЯРЖОРГАНЫ

Апошнія навіны
Усе навіны

Праект па падтрымцы эканамічнага развіцця 12 раёнаў рэалізуюць у Беларусі ў бліжэйшыя тры гады

Эканоміка 13.11.2018 | 16:33

13 лістапада, Мінск /Кар. БЕЛТА/. Праект ПРААН па падтрымцы эканамічнага развіцця на мясцовым узроўні, што фінансуецца Еўрапейскім саюзам, будзе рэалізаваны ў Беларусі ў партнёрстве з Міністэрствам эканомікі ў бліжэйшыя тры гады. Сёння на палях Сусветнага тыдня прадпрымальніцтва адбылося падпісанне адпаведнага дакумента, перадае карэспандэнт БЕЛТА.

Новы праект - адзін з двух кампанентаў маштабнай праграмы "Стымуляванне развіцця прыватнай ініцыятывы ў Беларусі" (SPRING), якая фінансуецца Еўрасаюзам у рамках Еўрапейскага інструменту добрасуседства. Ён накіраваны на падтрымку эканамічнай ініцыятывы, канкурэнтаздольнасці і інавацый для інклюзіўнага развіцця на мясцовым узроўні. Агульны бюджэт складае $9,5 млн.

На нацыянальным узроўні праект прадугледжвае правядзенне мерапрыемстваў, накіраваных на стымуляванне дыялогу па пытаннях фарміравання і падтрымкі рэгіянальнага развіцця, нацэленых на вырашэнне сацыяльна значных праблем. Чакаецца фарміраванне або пашырэнне існуючых раённых грамадска-кансультацыйных саветаў, якія будуць адказнымі за распрацоўку раённых планаў развіцця малога і сярэдняга прадпрымальніцтва (МСП) на аснове прынцыпу сумеснага ўдзелу.

Для праекта будуць вызначацца па два раёны з кожнай вобласці. Паводле слоў міністра эканомікі Дзмітрыя Крутога, гэта будуць найбольш праблемныя раёны, дзе ўзровень адхілення па ключавых эканамічных паказчыках ад сярэднерэспубліканскага складае 40 працэнтаў і больш.

"Магчыма, грошы, прадугледжаныя гэтым праектам, у маштабе краіны не вельмі вялікія, але для тых 12 рэгіёнаў, якія будуць адабраны ў рамках адпаведнага конкурсу, гэта вельмі значныя фінансавыя рэсурсы", - адзначыў Дзмітрый Крутой. Ужо цяпер ёсць дамоўленасць з прадстаўнікамі ПРААН, што, калі праект паспяхова стартуе, праз два-тры гады колькасць раёнаў для атрымання фінансавай дапамогі будзе павялічана.

"У першую чаргу прытоку МСП мы чакаем ад сферы вытворчасці. Асобную ўвагу мы хацелі б удзяліць фермерству. На жаль, гэты сегмент у сектары аграпрамысловага комплексу развіваецца не тымі тэмпамі, якіх мы чакалі", - сказаў міністр. Ён станоўча ацаніў папярэднюю праграму садзейнічання развіццю на мясцовым узроўні і дадаў, што канкрэтных рэзультатаў па гэтым праекце будуць чакаць ужо ў наступным годзе.

Акрамя таго, сёння адбылася цырымонія ўзнагароджвання лепшага бізнес-настаўніка "Ментар года". Ганаровае званне атрымала начальнік сектара арганізацыі фінансавання суб'ектаў малога і сярэдняга прадпрымальніцтва Банка развіцця Юлія Кавецкая. Узнагароду ўручыў міністр эканомікі.

Сусветны тыдзень прадпрымальніцтва (GEW) - штогадовае глабальнае мерапрыемства, якое аб'ядноўвае 170 краін. У Беларусі Сусветны тыдзень прадпрымальніцтва арганізуецца з 2011 года. У гэтым годзе асноўныя мерапрыемствы праходзяць на пляцоўцы "Белэкспа" з 12 па 18 лістапада.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.