15 снежня, Масква /Эдуард Півавар - БЕЛТА/. У рабоце праводзімага ва Уфе (Рэспубліка Башкортастан, Расійская Федэрацыя) Міжнароднага тыдня бізнесу прымае ўдзел прадстаўнічая беларуская дэлегацыя, у склад якой увайшлі кіраўнікі буйных прамысловых прадпрыемстваў, арганізацый харчовай прамысловасці і гандлю, бізнес-аб'яднанняў. Аб гэтым БЕЛТА паведамілі ў прэс-службе пасольства Беларусі ў Расіі.
"У кангрэс-холе "Таратау" члены беларускай дэлегацыі прынялі ўдзел у гранд-секцыі "БСК" як флагман развіцця хімічнай прамысловасці Расіі", якая прайшла пад кіраўніцтвам Радзія Хабірава, - расказалі ў дыпмісіі. - З прывітальным словам ад беларускага боку выступіў намеснік кіраўніка спраў Прэзідэнта Рэспублікі Беларусь Антон Краеўскі. Ён адзначыў высокую інтэнсіўнасць кантактаў беларускага і башкортастанскага бакоў, а таксама дасягнуты значныя вынікі".
На палях форуму беларуская дэлегацыя таксама правяла сустрэчу з прэм'ер-міністрам урада Башкортастана Андрэем Назаравым.-0-
