8 красавіка, Мінск /Кар. БЕЛТА/. Суб'ектам малога і сярэдняга прадпрымальніцтва прадстаўлена ўнікальная магчымасць удзелу ў індывідуальных прамых перагаворах аб пастаўках прадукцыі буйным прамысловым прадпрыемствам. Адпаведны пілотны праект кантактна-кааперацыйных біржаў анлайн рэалізуе Беларускі фонд фінансавай падтрымкі прадпрымальнікаў на базе прадпрыемстваў Міністэрства прамысловасці і канцэрна "Беллеспаперапрам", паведамілі БЕЛТА ў прэс-службе Мінэканомікі.
Першая кантактна-кааперацыйная біржа адбудзецца 29 красавіка: пройдуць прамыя анлайн-перагаворы з Мінскім трактарным заводам і Мінскім аўтамабільным заводам.
Для ўдзелу неабходна да 27 красавіка запоўніць заяўку па спасылцы http://belarp.by/ru/subcontractation/importozamesc/zaponitzaja1. Спасылкі на падключэнне будуць накіраваны ўсім удзельнікам, якія аформілі заяўку.
З графікам перагавораў і пералікам прадукцыі, якая закупляецца па імпарце і рэкамендуецца да асваення малому і сярэдняму бізнесу ў Беларусі, можна азнаёміцца на сайце belarp.by.
Дадатковую інфармацыю можна атрымаць па тэлефонах (8017) 316-14-22, (8044) 788-48-49.-0-