ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Малавоблачна +15°C
Усе навіны
Усе навіны
Эканоміка
21 мая 2020, 16:50

Прадпрыемствы Мінпрама ў І квартале паставілі прадукцыю ў 92 краіны

Фота з архіва
Фота з архіва

21 мая, Мінск /Кар. БЕЛТА/. Прадпрыемствы Міністэрства прамысловасці ў І квартале 2020 года паставілі прадукцыю ў 92 краіны. Аб гэтым сёння ішла размова на пасяджэнні калегіі Мінпрама ў фармаце відэаканферэнцыі, паведамілі карэспандэнту БЕЛТА ў прэс-службе міністэрства.

Экспарт тавараў арганізацый Мінпрама за студзень - сакавік гэтага года склаў амаль $900 млн.

Ажыццёўлены пастаўкі ў 15 дзяржаў, куды ў аналагічным перыядзе 2019 года прадукцыя не экспартавалася. Гэта Туніс, Кенія, Алжыр, Бенін, Ангола, Гвінея, Дамінікана, Бразілія, Філіпіны, Бурундзі, Кіпр, Эфіопія, Саудаўская Аравія, Гватэмала і Аўстралія.

Забяспечаны рост экспарту кар'ернай тэхнікі ($31,8 млн) і трактароў ($9,4 млн) у краіны далёкай дугі ў больш як 1,5 раза.

За I квартал гэтага года аб'ём вытворчасці ў фактычных цэнах склаў Br3,1 млрд. Прырост прамысловай вытворчасці паказалі "Белаўтамаз", "МТЗ-Холдынг", Беларуская металургічная кампанія, Мінскі маторны завод, "Гарызонт", "БелОМА", МЭТЗ імя В. І. Казлова, "Лідсельмаш", "Бабруйскаграмаш" і "Амкадор".

У цэлым, як адзначылі ў Мінпраме, беларускі прамысловы комплекс ва ўмовах сусветнай эпідэміялагічнай сітуацыі працуе стабільна. Замежныя кампаніі паступова спыняюць каранцінныя мерапрыемствы, запускаюць работу, таму рынак будзе планамерна ажываць.

"Беларусь не спыняла работу заводаў і прадоўжыла выпуск прадукцыі. Гэта дало магчымасць забяспечыць выкананне паказчыкаў па рэнтабельнасці продажаў і энергазберажэнні. Дасягнуты добры рэзультат па ўдзельнай вазе адгружанай інавацыйнай прадукцыі. Ён склаў 32,3 працэнта. Вырасла і сярэднямесячная заработная плата па Мінпраме - Br1116,7, тэмп росту - 104,9 працэнта", - падкрэслілі ў міністэрстве.

Кіраўнікам прадпрыемстваў на калегіі паставілі задачу дыверсіфікаваць экспарт, нарошчваць вытворчасць, рэалізоўваць важнейшыя інвестпраекты, а таксама захоўваць дабрабыт калектываў прадпрыемстваў.

Мерапрыемства прайшло пад старшынствам міністра прамысловасці Паўла Уцюпіна і пры ўдзеле намесніка прэм'ер-міністра Юрыя Назарава, членаў калегіі і кіраўнікоў вядучых прамысловых прадпрыемстваў краіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі