ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +11°C
Усе навіны
Усе навіны
Эканоміка
16 жніўня 2022, 13:43

Прадпрыемствы Хакасіі зацікаўлены ў набыцці кар'ернай тэхнікі БЕЛАЗ

Фота з архіва
Фота з архіва

16 жніўня, Мінск /Кар. БЕЛТА/. Топ-менеджары буйных беларускіх прамысловых кампаній, у іх ліку ААТ "БЕЛАЗ", у рамках візіту ўрадавай дэлегацыі Беларусі пабывалі ў Рэспубліцы Хакасія. Мэта візіту - паглыбленне шматгадовага гандлёва-эканамічнага супрацоўніцтва, паведамілі карэспандэнту БЕЛТА ў прэс-службе беларускага прадпрыемства.

"Сёння каля 20 прадпрыемстваў Хакасіі эксплуатуюць больш за 500 адзінак кар'ернай тэхнікі БЕЛАЗ. За студзень - ліпень бягучага года ў Хакасію адгружана 14 машын. Адна пайшла спажыўцу ў мінулыя выхадныя, а яшчэ тры, згодна з нашым планам адгрузкі, адправім у бліжэйшы час. Водгукі з месцаў эксплуатацыі аб БЕЛАЗах і сэрвісным абслугоўванні самазвалаў выключна станоўчыя", - адзначыў намеснік начальніка ўпраўлення - начальнік камерцыйнага аддзела па рабоце на рынках краін СНД ААТ "БЕЛАЗ" Анатоль Трамбіцкі.

Падчас наведвання беларускай дэлегацыяй ТАА "СУЭК-Хакасія", ТАА "Сорскі горна-абагачальны камбінат" і іншых здабыўных прадпрыемстваў былі праведзены перагаворы, на якіх пацверджаны намеры па далейшым набыцці кар'ернай тэхнікі БЕЛАЗ і абмеркаваны перспектывы ўзаемавыгаднага партнёрства.

ААТ "БЕЛАЗ" - кіруючая кампанія холдынга "БЕЛАЗ-Холдынг" - найбуйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы буйны ў свеце кар'ерны самазвал грузападымальнасцю 450 т.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі