ДЗЯРЖОРГАНЫДЗЯРЖОРГАНЫ
Субота, 25 студзеня 2020
Мінск Суцэльная воблачнасць +2°C
Усе навіны
Усе навіны
Эканоміка
04 лістапада 2019, 14:06

Прадпрыемствы "Беллеспаперапрама" ў студзені-верасні нарасцілі вытворчасць імпартазамяшчальнай прадукцыі на 7,3 працэнта

Фота з архіва
Фота з архіва

4 лістапада, Мінск /Кар. БЕЛТА/. Прадпрыемствы "Беллеспаперапрама" ў студзені-верасні 2019 года вырабілі імпартазамяшчальнай прадукцыі на $391,7 млн, што на 7,3 працэнта больш, чым за аналагічны перыяд 2018 года, паведамілі БЕЛТА ў прэс-службе канцэрна.

Прадукцыю выпускалі 26 прадпрыемстваў па 38 таварных пазіцыях. "Гэта тавары, якія раней вырабляліся ў Беларусі ў недастатковай колькасці або не выпускаліся наогул. Да іх адносяцца цэлюлоза, драўняна-валакністыя (у тым ліку МДФ) і драўняна-стружкавыя пліты, фанера, немелаваныя папера і кардон, гафрыраваны кардон і скрыні з яго, папяровыя мяшкі, негафрыраваны кардон, газетная папера і папера санітарна-гігіенічнага прызначэння, вырабы з яе", - растлумачылі ў "Беллеспаперапраме".

Паступова павялічваецца вытворчасць сульфатнай беленай цэлюлозы. "У студзені-жніўні ААТ "Светлагорскі ЦКК" вырабіла 90,4 тыс. т цэлюлозы, што ў 3,6 раза больш, чым за аналагічны перыяд 2018 года. З агульнага аб'ёму вытворчасці каля 20 працэнтаў цэлюлозы пастаўлены айчынным спажыўцам. У асноўным з цэлюлозы беларускія перапрацоўшчыкі вырабляюць розную папяровую ўпакоўку і вырабы санітарна-гігіенічнага прызначэння", - адзначылі ў канцэрне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі