Мабільная версія
ДЗЯРЖОРГАНЫ

Апошнія навіны
Усе навіны

Прадпрыемствы "Беллеспаперапрама" ў 2018 годзе павялічылі вытворчасць на 14,7 працэнта

Эканоміка 12.02.2019 | 19:56
Юрый Назараў. Фота з архіва
Юрый Назараў. Фота з архіва

12 лютага, Мінск /Кар. БЕЛТА/. Аб'ём вытворчасці прадпрыемстваў "Беллеспаперапрама" ў 2018 годзе павялічыўся на 14,7 працэнта, паведаміў сёння на прэс-канферэнцыі старшыня канцэрна Юрый Назараў, перадае карэспандэнт БЕЛТА.

Галіна завяршыла 2018 год з добрымі рэзультатамі па ўсіх сацыяльна-эканамічных параметрах. "У 2018 годзе прадпрыемствы канцэрна набылі і перапрацавалі 5,6 млн куб.м драўніны, што на 1,1 млн куб.м больш, чым у 2017 годзе. Аб'ём вытворчасці прадукцыі вырас у адносінах да 2017 года на 14,7 працэнта. Дрэваапрацоўчыя і мэблевыя прадпрыемствы нарасцілі вытворчасць на 15,8 працэнта, цэлюлозна-папяровыя - на 19 працэнтаў", - удакладніў Юрый Назараў.

Істотны ўклад у фінансавую стабілізацыю арганізацый "Беллеспаперапрама" ў 2018 годзе ўнесла павышэнне эфектыўнасці збытавой палітыкі - дыверсіфікацыя экспарту з павелічэннем долі продажаў на прэміяльныя рынкі далёкага замежжа. "Больш як 72 працэнты вырабленай прадукцыі рэалізавана на знешнія рынкі. Апошнія гады гэта лічба няўхільна расце. Экспарт канцэрна вырас на 31,6 працэнта і склаў у 2018 годзе $562 млн. На экспарт пастаўляўся практычна ўвесь асартымент вырабляемай прадукцыі. Найбольшую ўдзельную вагу ў таварнай структуры экспарту займае мэбля - 22,3 працэнта, драўняна-валакністыя пліты - 17,6 працэнта, папера і кардон - 17,1 працэнта, фанера - 14,4 працэнта і драўняна-стружкавыя пліты - 11,2 працэнта", - адзначыў старшыня канцэрна.

Геаграфія экспарту прадпрыемстваў канцэрна ахоплівае 58 краін. "Мы планамерна нарошчваем долю адгрузак у далёкае замежжа. У 2018 годзе больш як 48 працэнтаў экспарту прыпадала на краіны далёкага замежжа, у тым ліку ў краіны ЕС - амаль 42 працэнты ад агульнага аб'ёму экспарту. Наша задача ў далейшым - рост экспарту мэблі ў краіны ЕС. Мы павінны актыўней заходзіць на гэты рынак", - дадаў Юрый Назараў.

У пяцёрцы буйнейшых рынкаў збыту прадукцыі прадпрыемстваў канцэрна - Расія ($185,3 млн, або 33 працэнты ад усяго экспарту), Польшча ($108,8 млн, або 19,3 працэнта), Украіна ($48,2 млн, або 8,6 працэнта), Літва ($43,5 млн, або 7,7 працэнта) і Азербайджан ($18,2 млн, або 3,2 працэнта). Дынамічна нарошчваюцца пастаўкі і на геаграфічна аддаленыя рынкі. У Кітай у 2018 годзе пастаўлена прадукцыі на $14,7 млн, пры гэтым у 2017-м экспарт у гэту краіну складаў усяго $290,6 тыс. Расце экспарт у Егіпет, Турцыю, Бангладэш, Індыю, ЗША, Канаду, Шры-Ланку, Тайланд і іншыя краіны.

Прадпрыемствы "Беллеспаперапрама" таксама актыўна працуюць над рэалізацыяй праграм па выпуску імпартазамяшчальнай прадукцыі. Агульны аб'ём яе вытворчасці ў 2018 годзе склаў $490 млн, што на 28 працэнтаў больш, чым у 2017-м. Да імпартазамяшчальнай прадукцыі прадпрыемстваў канцэрна адносяцца тавары, якія раней вырабляліся ў Беларусі ў недастатковай колькасці або не выпускаліся наогул. У прыватнасці, гэта сульфатная беленая цэлюлоза, выпуск якой у рэжыме пробнай вытворчасці асвоіла ААТ "Светлагорскі ЦКК" (выраблена 26,9 тыс. т), ламініраваныя драўняна-валакністыя і драўняна-стружкавыя пліты. Таксама ў ліку імпартазамяшчальных тавараў - розныя віды паперы і кардону, вырабы з іх.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рота інфармацыйных тэхналогій Функцыянальнае прызначэнне РІТ - распрацоўка сістэмнага і праграмнага забеспячэння сумесна з падраздзяленнямі Ваеннай акадэміі і іншымі навуковымі і навучальнымі ўстановамі.