13 красавіка, Мінск /Юлія Неманкова - БЕЛТА/. Амаль 15 млн ахоўных масак вырабілі прадпрыемствы "Беллегпрама". Аб гэтым карэспандэнту БЕЛТА паведамілі ў прэс-службе канцэрна.
"Прэзідэнт паставіў задачу да канца мінулага тыдня выйсці на выпуск 1 млн масак у суткі. Рубеж у мільён быў пераадолены 9 красавіка. На раніцу пятніцы за суткі прадпрыемствы канцэрна выпусцілі 1,17 млн масак. Усяго з лютага выраблена 14 млн 823 тыс. ахоўных масак", - адзначылі ў прэс-службе. У выхадныя прадпрыемствы прадоўжылі працаваць. Для многіх швачак гэта была ўжо шостая субота запар. Да 15 красавіка стаіць задача выйсці на выпуск 2 млн масак у суткі.
Як паведамлялася раней, урад прыняў рашэнне вызначыць РУП "Белфармацыя" адзіным аператарам па рэалізацыі ўсяго асартыменту ахоўных вырабаў. Цяпер пастаўкі ахоўных масак у аптэчную сетку ўсіх форм уласнасці будзе курыраваць адзіны аператар. Мера прынята, каб працэсы паставак і адгрузак былі празрыстымі, а цэны на маскі не завышаліся. Для медыцынскага персаналу маскі адгружае УП "Белмедтэхніка".-0-
