25 студзеня, Масква /Эдуард Півавар - БЕЛТА/. Першае ў гэтым годзе пасяджэнне Савета Еўразійскай эканамічнай камісіі адбудзецца 25 студзеня ў Маскве. Беларусь на ім будзе прадстаўляць член Савета ЕЭК, віцэ-прэм'ер Ігар Петрышэнка, паведамілі БЕЛТА ў прэс-службе камісіі.
На пасяджэнні плануецца ўстанавіць стаўкі ўвазной мытнай пошліны адзінага мытнага тарыфу ЕАЭС адносна полівінілхларыду пластыфікаванага для вытворчасці шпалераў, а таксама асобных відаў кантэйнераў. Будуць унесены змяненні ў адзіны пералік прадукцыі (тавараў), якая падлягае дзяржаўнаму санітарна-эпідэміялагічнаму нагляду (кантролю) на мытнай граніцы і мытнай тэрыторыі ЕАЭС.
У парадак дня ўнесены таксама пытанні, звязаныя з рэалізацыяй пагаднення аб увядзенні адзіных форм пашпарта транспартнага сродку (пашпарта шасі транспартнага сродку) і пашпарта самаходнай машыны і іншых відаў тэхнікі і арганізацыі сістэм электронных пашпартоў; з унясеннем змяненняў у правілы вызначэння краіны паходжання асобных відаў тавараў для мэт дзяржаўных (муніцыпальных) закупак.
Акрамя таго, Савет ЕЭК мае намер унесці змяненні ў парадак распрацоўкі, прыняцця, змянення і адмены тэхрэгламентаў ЕАЭС, а таксама ў план мерапрыемстваў па рэалізацыі стратэгіі развіцця еўразійскай эканамічнай інтэграцыі да 2025 года.-0-
