Фота belgee.by
17 ліпеня, Мінск /Кар. БЕЛТА/. Аб'яднаны інстытут машынабудавання Нацыянальнай акадэміі навук вядзе распрацоўку беларускіх электрамабіляў. У гэтым годзе плануецца вырабіць пяць доследных прамысловых узораў. Такую заяву ў размове з журналістамі перад пачаткам цырымоніі ўзнагароджвання лаўрэатаў і дыпламанта конкурсу на саісканне прэміі ўрада за дасягненні ў галіне якасці зрабіў дырэктар СЗАТ "БЕЛДЖЫ" Генадзь Свідзерскі, перадае карэспандэнт БЕЛТА.
У гэтым годзе айчынны вытворца легкавых аўтамабіляў пацвердзіў высокае званне лаўрэата прэміі ўрада ў галіне якасці, атрыманае тры гады таму.
"З таго часу як мы атрымалі прэмію ў галіне якасці папярэдні раз, мы купілі ліцэнзію і пачалі вытворчасць легкавых аўтамабіляў Belgee X50 і Belgee X70 пад уласным брэндам, таму для нас было вельмі важна, маючы ўласны брэнд, пацвердзіць усе стандарты якасці і высокі ўзровень прымяняемых у машынабудаўнічай вытворчасці перадавых тэхналогій, - зрабіў акцэнт Генадзь Свідзерскі. - Гэта пацвярджэнне мы атрымалі і сёння з задавальненнем бачым сябе ў ліку іншых лідзіруючых прадпрыемстваў рэспублікі".
Дырэктар "БЕЛДЖЫ" адзначыў важнасць атрымання прэміі ў аб'яўлены ў Беларусі Год якасці. Паколькі менавіта ў гэтым годзе на прадпрыемстве была ўкаранёна рэальная сістэма "5S", якая складаецца з пяці крокаў да беражлівай вытворчасці: сартавання, захавання парадку, утрымання ў чысціні, стандартызацыі і ўдасканалення.
"У пэўным сэнсе мы з'яўляемся піянерамі ў гэтым напрамку, але такая сістэма, на мой погляд, павінна быць укаранёна на ўсіх прадпрыемствах. У нас нават ёсць такі лозунг: "Калі "5S" працуе, мы адна каманда". Усе мы працуем на якасць, стварэнне прадукту сусветнага ўзроўню і задавальненне патрабаванняў сваіх спажыўцоў", - падкрэсліў Генадзь Свідзерскі.
Што датычыцца анансаванай раней магчымасці з'яўлення беларускіх электрамабіляў, кіраўнік "БЕЛДЖЫ" заўважыў, што ідэя з'явілася пасля куплі ліцэнзіі, якая прадаставіла доступ да пэўнай дакументацыі. Так, электрамабіль можа з'явіцца на базе Belgee X50. Над вырашэннем задачы працуюць у Аб'яднаным інстытуце машынабудавання НАН, спецыялісты якой лічаць магчымым вырабіць у гэтым годзе пяць доследных прамысловых узораў электрамабіля айчыннай вытворчасці.
"Платформа будзе вырабляцца на канвееры серыйнага завода "БЕЛДЖЫ" па дакументацыі электрамабіля, распрацаванай у Акадэміі навук, - удакладніў Генадзь Свідзерскі. - Пасля атрымання прамысловых узораў у канцы года можна будзе гаварыць аб камерцыйных і тэхнічных перспектывах развіцця гэтага напрамку. Адно зразумела ўжо цяпер: гэта важны крок у авалоданні кампетэнцыямі ў распрацоўцы і пастаноўцы на вытворчасць легкавых аўтамабіляў".-0-
У гэтым годзе айчынны вытворца легкавых аўтамабіляў пацвердзіў высокае званне лаўрэата прэміі ўрада ў галіне якасці, атрыманае тры гады таму.
"З таго часу як мы атрымалі прэмію ў галіне якасці папярэдні раз, мы купілі ліцэнзію і пачалі вытворчасць легкавых аўтамабіляў Belgee X50 і Belgee X70 пад уласным брэндам, таму для нас было вельмі важна, маючы ўласны брэнд, пацвердзіць усе стандарты якасці і высокі ўзровень прымяняемых у машынабудаўнічай вытворчасці перадавых тэхналогій, - зрабіў акцэнт Генадзь Свідзерскі. - Гэта пацвярджэнне мы атрымалі і сёння з задавальненнем бачым сябе ў ліку іншых лідзіруючых прадпрыемстваў рэспублікі".
Дырэктар "БЕЛДЖЫ" адзначыў важнасць атрымання прэміі ў аб'яўлены ў Беларусі Год якасці. Паколькі менавіта ў гэтым годзе на прадпрыемстве была ўкаранёна рэальная сістэма "5S", якая складаецца з пяці крокаў да беражлівай вытворчасці: сартавання, захавання парадку, утрымання ў чысціні, стандартызацыі і ўдасканалення.
"У пэўным сэнсе мы з'яўляемся піянерамі ў гэтым напрамку, але такая сістэма, на мой погляд, павінна быць укаранёна на ўсіх прадпрыемствах. У нас нават ёсць такі лозунг: "Калі "5S" працуе, мы адна каманда". Усе мы працуем на якасць, стварэнне прадукту сусветнага ўзроўню і задавальненне патрабаванняў сваіх спажыўцоў", - падкрэсліў Генадзь Свідзерскі.
Што датычыцца анансаванай раней магчымасці з'яўлення беларускіх электрамабіляў, кіраўнік "БЕЛДЖЫ" заўважыў, што ідэя з'явілася пасля куплі ліцэнзіі, якая прадаставіла доступ да пэўнай дакументацыі. Так, электрамабіль можа з'явіцца на базе Belgee X50. Над вырашэннем задачы працуюць у Аб'яднаным інстытуце машынабудавання НАН, спецыялісты якой лічаць магчымым вырабіць у гэтым годзе пяць доследных прамысловых узораў электрамабіля айчыннай вытворчасці.
"Платформа будзе вырабляцца на канвееры серыйнага завода "БЕЛДЖЫ" па дакументацыі электрамабіля, распрацаванай у Акадэміі навук, - удакладніў Генадзь Свідзерскі. - Пасля атрымання прамысловых узораў у канцы года можна будзе гаварыць аб камерцыйных і тэхнічных перспектывах развіцця гэтага напрамку. Адно зразумела ўжо цяпер: гэта важны крок у авалоданні кампетэнцыямі ў распрацоўцы і пастаноўцы на вытворчасць легкавых аўтамабіляў".-0-
Падпісвайцеся на нас у
