Мабільная версія
ДЗЯРЖОРГАНЫ

Апошнія навіны
Усе навіны

Пілотныя праекты па павышэнні энергаэфектыўнасці рэалізуюць у Беларусі ў 248 жылых дамах

Эканоміка 19.09.2019 | 14:09
Леанід Паляшчук
Леанід Паляшчук

19 верасня, Мінск /Кар. БЕЛТА/. Пілотныя праекты па павышэнні энергаэфектыўнасці рэалізуюць у 248 жылых дамах у Магілёўскай і Гродзенскай абласцях, паведаміў журналістам у прэс-цэнтры БЕЛТА намеснік дырэктара Дэпартамента па энергаэфектыўнасці Дзяржстандарту Леанід Паляшчук, перадае карэспандэнт БЕЛТА.

Фінансаванне мерапрыемстваў па зніжэнні спажывання цеплавой энергіі будзе ажыццяўляцца пры падтрымцы Сусветнага банка, ЕБРР і Еўрапейскага інвестыцыйнага банка. "Разлічваем, што насельніцтва таксама прыме актыўны ўдзел у праектах", - сказаў Леанід Паляшчук.

Комплекс работ будзе ўключаць замену вокнаў і дзвярэй у пад'ездах, устаноўку прыбораў уліку, а таксама дадатковую цеплавую мадэрнізацыю будынкаў. Паводле ацэнкі экспертаў, у пілотных рэгіёнах да палавіны жыхароў гатовы ўцяпліць свае дамы. Разлікі паказваюць, што правядзенне энергаэфектыўных мерапрыемстваў дасць магчымасць знізіць цепласпажыванне ў дамах з 120-200 кВт гадз да 90 кВт гадз на кв.м у год.

"Цеплавая мадэрнізацыя пры росце тарыфаў для насельніцтва дапаможа выключыць падаражэнне платы за ЖКП. Таксама павысіцца камфортнасць пражывання ў кватэрах", - адзначыў Леанід Паляшчук.

Паводле яго слоў, у рэспубліцы амаль 28,4 млн кв.м жылля маюць цепласпажыванне 160-200 кВт гадз на кв.м у год. Такія жылыя дамы пабудаваны да 1996 года. На жыллёвы фонд прыпадае штогадовае спажыванне амаль 37,5 працэнта цеплавой энергіі. На яе вытворчасць спальваецца амаль 3,7 млрд куб.м газу. Насельніцтва пакрывае толькі 20 працэнтаў затрат на ацяпленне.

Умовы і механізмы ўдзелу ўласнікаў жылых і нежылых памяшканняў у фінансаванні энергаэфектыўных мерапрыемстваў вызначаны ўказам нумар 327 "Аб павышэнні энергаэфектыўнасці шматкватэрных жылых дамоў". Такое рашэнне на добраахвотнай аснове прымае агульны сход уласнікаў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.