Ігар Петрышэнка. Фота з архіва
5 чэрвеня, Мінск /Кар. БЕЛТА/. Лічбавізацыя павінна паскорыць інтэграцыйныя працэсы ў ЕАЭС. Аб гэтым заявіў намеснік прэм'ер-міністра Беларусі Ігар Петрышэнка на сустрэчы з членам Калегіі (міністрам) па ўнутраных рынках, інфарматызацыі, інфармацыйна-камунікацыйных тэхналогіях ЕЭК Варосам Сіманянам, перадае карэспандэнт БЕЛТА.
"У час нядаўняга пасяджэння Еўразійскага міжурадавага савета і сесіі "Харчовая бяспека ЕАЭС" з удзелам кіраўнікоў урадаў нашых краін пастаянна гучала тэма лічбавізацыі. Актуальнасць гэтай праблематыкі толькі ўзрастае. Важна, каб лічбавізацыя паскарала нашы інтэграцыйныя працэсы. Мы павінны ў першую чаргу лічбавізаваць найбольш важныя сегменты. Гэта датычыцца мытных аспектаў, маркіроўкі і нагляду за таварамі, электроннымі пашпартамі. Важна вырашыць і пытанні тэхнічнага рэгулявання лічбавізацыі", - сказаў Ігар Петрышэнка.
На нядаўнім пасяджэнні Еўразійскага міжурадавага савета прэм'ер-міністр Беларусі Раман Галоўчанка заявіў, што настаў час вырашыць пытанне з узаемным прызнаннем электроннага лічбавага подпісу (ЭЛП) у ЕАЭС. "У нас ёсць еўразійскі рэестр прамысловай прадукцыі, па якім мы актыўна працуем, але нам важны такі інструмент, як ЭЛП, каб мець доступ да конкурсных працэдур дзяржаўных закупак. З Расіяй у нас падпісана двухбаковае пагадненне ў гэтай галіне, трэба падцягваць іншыя краіны да гэтай работы", - адзначыў Ігар Петрышэнка.
Віцэ-прэм'ер таксама падкрэсліў важнасць зняцця бар'ераў і абмежаванняў у гандлі ў ЕАЭС. На яго думку, неабходна пастаянна ацэньваць сітуацыю і адаптавацца да рэалій, фіксаваць з'яўленне новых бар'ераў і прымаць меры. Ён таксама прапанаваў ЕЭК часцей выносіць гэту тэму на разгляд.-0-
"У час нядаўняга пасяджэння Еўразійскага міжурадавага савета і сесіі "Харчовая бяспека ЕАЭС" з удзелам кіраўнікоў урадаў нашых краін пастаянна гучала тэма лічбавізацыі. Актуальнасць гэтай праблематыкі толькі ўзрастае. Важна, каб лічбавізацыя паскарала нашы інтэграцыйныя працэсы. Мы павінны ў першую чаргу лічбавізаваць найбольш важныя сегменты. Гэта датычыцца мытных аспектаў, маркіроўкі і нагляду за таварамі, электроннымі пашпартамі. Важна вырашыць і пытанні тэхнічнага рэгулявання лічбавізацыі", - сказаў Ігар Петрышэнка.
На нядаўнім пасяджэнні Еўразійскага міжурадавага савета прэм'ер-міністр Беларусі Раман Галоўчанка заявіў, што настаў час вырашыць пытанне з узаемным прызнаннем электроннага лічбавага подпісу (ЭЛП) у ЕАЭС. "У нас ёсць еўразійскі рэестр прамысловай прадукцыі, па якім мы актыўна працуем, але нам важны такі інструмент, як ЭЛП, каб мець доступ да конкурсных працэдур дзяржаўных закупак. З Расіяй у нас падпісана двухбаковае пагадненне ў гэтай галіне, трэба падцягваць іншыя краіны да гэтай работы", - адзначыў Ігар Петрышэнка.
Віцэ-прэм'ер таксама падкрэсліў важнасць зняцця бар'ераў і абмежаванняў у гандлі ў ЕАЭС. На яго думку, неабходна пастаянна ацэньваць сітуацыю і адаптавацца да рэалій, фіксаваць з'яўленне новых бар'ераў і прымаць меры. Ён таксама прапанаваў ЕЭК часцей выносіць гэту тэму на разгляд.-0-
Падпісвайцеся на нас у
