24 чэрвеня, Мінск /Кар. БЕЛТА/. На Беларускай універсальнай таварнай біржы адбыліся першыя біржавыя таргі паўфабрыкатам з мяса труса, паведамілі БЕЛТА ў прэс-службе біржы.
З мэтай вывучэння попыту з боку беларускіх спажыўцоў на гандлёвую сесію "Мяса-малочная прадукцыя і жывая жывёла" была выстаўлена 1 т замарожанага філе труса катэгорыі А. Краіна паходжання тавару - Расія. У час таргоў быў набыты ўвесь выстаўлены на продаж аб'ём мяса труса, а сума здзелкі склала Br36,2 тыс. Пакупніком выступіў адзін з айчынных вытворцаў прадуктаў дзіцячага харчавання.
"У бягучым годзе прадукцыя аграпрамысловага комплексу забяспечвае больш за 40 працэнтаў тавараабароту БУТБ, а рэалізацыя малакапрадуктаў, мясных вырабаў і жывой жывёлы ўваходзіць у лік напрамкаў, якія дынамічна развіваюцца ў гэтай таварнай катэгорыі. Пры гэтым асартымент тавараў, прадстаўленых на таргах, рэгулярна пашыраецца. Напрыклад, у мінулым годзе праз біржу на ўнутраны рынак былі ўпершыню рэалізаваны племянныя цялушкі галштынскай пароды і жарабцы пароды рускі цяжкавоз. З'яўленне на таргах новых таварных пазіцый шмат у чым залежыць ад удзельнікаў рынку, з якімі біржа падтрымлівае пастаянны кантакт і пры неабходнасці аказвае садзейнічанне ў рэалізацыі або закупцы прадукцыі, што іх цікавіць. Праведзеныя таргі мясам труса - наглядны прыклад аператыўнага рэагавання біржы на запатрабаванні кліентаў", - пракаменціравалі ў прэс-службе БУТБ.
Паводле біржавых даных, у студзені - маі 2024 года на біржавых таргах для ўнутранага рынку былі рэалізаваны мяса-малочная прадукцыя і жывая жывёла на агульную суму Br191,5 млн, што ў 5,3 раза больш, чым за аналагічны перыяд 2023 года. Найбольшы аб'ём здзелак прыпаў на замарожанае і ахалоджанае мяса і мясныя паўфабрыкаты.-0-
З мэтай вывучэння попыту з боку беларускіх спажыўцоў на гандлёвую сесію "Мяса-малочная прадукцыя і жывая жывёла" была выстаўлена 1 т замарожанага філе труса катэгорыі А. Краіна паходжання тавару - Расія. У час таргоў быў набыты ўвесь выстаўлены на продаж аб'ём мяса труса, а сума здзелкі склала Br36,2 тыс. Пакупніком выступіў адзін з айчынных вытворцаў прадуктаў дзіцячага харчавання.
"У бягучым годзе прадукцыя аграпрамысловага комплексу забяспечвае больш за 40 працэнтаў тавараабароту БУТБ, а рэалізацыя малакапрадуктаў, мясных вырабаў і жывой жывёлы ўваходзіць у лік напрамкаў, якія дынамічна развіваюцца ў гэтай таварнай катэгорыі. Пры гэтым асартымент тавараў, прадстаўленых на таргах, рэгулярна пашыраецца. Напрыклад, у мінулым годзе праз біржу на ўнутраны рынак былі ўпершыню рэалізаваны племянныя цялушкі галштынскай пароды і жарабцы пароды рускі цяжкавоз. З'яўленне на таргах новых таварных пазіцый шмат у чым залежыць ад удзельнікаў рынку, з якімі біржа падтрымлівае пастаянны кантакт і пры неабходнасці аказвае садзейнічанне ў рэалізацыі або закупцы прадукцыі, што іх цікавіць. Праведзеныя таргі мясам труса - наглядны прыклад аператыўнага рэагавання біржы на запатрабаванні кліентаў", - пракаменціравалі ў прэс-службе БУТБ.
Паводле біржавых даных, у студзені - маі 2024 года на біржавых таргах для ўнутранага рынку былі рэалізаваны мяса-малочная прадукцыя і жывая жывёла на агульную суму Br191,5 млн, што ў 5,3 раза больш, чым за аналагічны перыяд 2023 года. Найбольшы аб'ём здзелак прыпаў на замарожанае і ахалоджанае мяса і мясныя паўфабрыкаты.-0-
Падпісвайцеся на нас у
