Фота БУТБ
18 снежня, Мінск /Кар. БЕЛТА/. Беларуская ўніверсальная таварная біржа (БУТБ) і Беларускі дзяржаўны эканамічны ўніверсітэт (БДЭУ) падвялі вынікі першага сумеснага праекта, рэалізаванага ў рамках пагаднення аб супрацоўніцтве паміж дзвюма арганізацыямі. Аб гэтым БЕЛТА паведамілі ў прэс-службе БУТБ.
Вынікам узаемадзеяння БУТБ і БДЭУ стала комплекснае аналітычнае даследаванне "Сусветны рынак малочнай прадукцыі: стан, тэндэнцыі, перспектывы развіцця". Мэта даследавання - вывучыць кан'юнктуру, асаблівасці і ключавыя трэнды на малочных рынках краін Еўразійскага эканамічнага саюза, Еўрапейскага саюза, Кітая, Індыі, Новай Зеландыі і ЗША, каб выявіць магчымасці і рызыкі для беларускіх экспарцёраў малакапрадуктаў, якія выкарыстоўваюць электронную платформу БУТБ. У праекце былі задзейнічаны студэнты трэцяга курса прафілізацыі "Эканоміка і кіраванне на прадпрыемстве аграпрамысловага комплексу", выкладчыкі кафедры эканомікі АПК і прыродакарыстання БДЭУ, а таксама эксперты БУТБ, якія курыравалі работу юных аналітыкаў.
На думку старшыні праўлення БУТБ Аляксандра Асмалоўскага, галоўная каштоўнасць рэалізаванага аналітычнага праекта заключаецца ў яго прыкладным характары, што дало магчымасць, з аднаго боку, праверыць на практыцы аналітычныя навыкі студэнтаў і іх здольнасць працаваць з вялікімі аб'ёмамі даных, а з іншага - прадаставіла біржы і ўдзельнікам біржавых таргоў канцэнтраваную інфармацыю аб перспектыўных рынках збыту беларускай малочнай прадукцыі і іх патэнцыяле. "Лічу, што ўсе асноўныя задачы праекта паспяхова выкананы, а яго вынікі стануць добрай дапамогай для аналітычнага падраздзялення біржы і будуць выкарыстоўвацца пры падрыхтоўцы даведак, справаздач і іншых інфармацыйных матэрыялаў", - адзначыў кіраўнік БУТБ.
У сувязі з гэтым загадчык кафедры эканомікі АПК і прыродакарыстання БДЭУ кандыдат эканамічных навук, дацэнт Андрэй Каралёў выступіў з прапановай не толькі прадоўжыць супрацоўніцтва з БУТБ у сферы аналітыкі, але і пашырыць яго за кошт правядзення сумесных мерапрыемстваў.-0-
Вынікам узаемадзеяння БУТБ і БДЭУ стала комплекснае аналітычнае даследаванне "Сусветны рынак малочнай прадукцыі: стан, тэндэнцыі, перспектывы развіцця". Мэта даследавання - вывучыць кан'юнктуру, асаблівасці і ключавыя трэнды на малочных рынках краін Еўразійскага эканамічнага саюза, Еўрапейскага саюза, Кітая, Індыі, Новай Зеландыі і ЗША, каб выявіць магчымасці і рызыкі для беларускіх экспарцёраў малакапрадуктаў, якія выкарыстоўваюць электронную платформу БУТБ. У праекце былі задзейнічаны студэнты трэцяга курса прафілізацыі "Эканоміка і кіраванне на прадпрыемстве аграпрамысловага комплексу", выкладчыкі кафедры эканомікі АПК і прыродакарыстання БДЭУ, а таксама эксперты БУТБ, якія курыравалі работу юных аналітыкаў.
На думку старшыні праўлення БУТБ Аляксандра Асмалоўскага, галоўная каштоўнасць рэалізаванага аналітычнага праекта заключаецца ў яго прыкладным характары, што дало магчымасць, з аднаго боку, праверыць на практыцы аналітычныя навыкі студэнтаў і іх здольнасць працаваць з вялікімі аб'ёмамі даных, а з іншага - прадаставіла біржы і ўдзельнікам біржавых таргоў канцэнтраваную інфармацыю аб перспектыўных рынках збыту беларускай малочнай прадукцыі і іх патэнцыяле. "Лічу, што ўсе асноўныя задачы праекта паспяхова выкананы, а яго вынікі стануць добрай дапамогай для аналітычнага падраздзялення біржы і будуць выкарыстоўвацца пры падрыхтоўцы даведак, справаздач і іншых інфармацыйных матэрыялаў", - адзначыў кіраўнік БУТБ.
У сувязі з гэтым загадчык кафедры эканомікі АПК і прыродакарыстання БДЭУ кандыдат эканамічных навук, дацэнт Андрэй Каралёў выступіў з прапановай не толькі прадоўжыць супрацоўніцтва з БУТБ у сферы аналітыкі, але і пашырыць яго за кошт правядзення сумесных мерапрыемстваў.-0-
Падпісвайцеся на нас у
