ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +4°C
Усе навіны
Усе навіны
Эканоміка
23 ліпеня 2019, 17:52

Першы форум рэгіёнаў Беларусі і Узбекістана пройдзе ў Мінску 29-30 ліпеня

Фота з архіва
Фота з архіва

23 ліпеня, Мінск /Кар. БЕЛТА/. I Форум рэгіёнаў Беларусі і Узбекістана пройдзе ў Мінску 29-30 ліпеня. Ён адбудзецца ў час афіцыйнага візіту ў Беларусь Прэзідэнта Узбекістана Шаўката Мірзіёева, паведамілі БЕЛТА ў прэс-службе Савета Рэспублікі.

Удзел у форуме прымуць прадстаўнікі рэгіёнаў, міністэрстваў і ведамстваў, парламентарыі, дзелавыя колы дзвюх краін. Дэлегацыю Узбекістана ўзначаліць першы намеснік старшыні Сената Олій Мажліса Садык Сафаеў. З узбекскага боку будуць прадстаўлены Андыжанская, Бухарская, Джызакская, Наманганская, Самаркандская, Харэзмская, Ферганская і Ташкенцкая вобласці.

"Праграмай форуму прадугледжаны тры секцыі: па пытаннях прамысловай кааперацыі, аграпрамысловага комплексу, а таксама ўзаемадзеяння ў гуманітарнай, інфармацыйна-камунікацыйнай і навуковай сферах. Галоўнай тэмай пленарнага пасяджэння стане супрацоўніцтва рэгіёнаў як ключавы фактар развіцця міждзяржаўных адносін", - расказалі ў прэс-службе верхняй палаты беларускага парламента. Чакаецца, што на пляцоўках форуму будуць падпісаны амаль 15 міжрэгіянальных пагадненняў аб супрацоўніцтве, а таксама камерцыйныя кантракты.

Госці і ўдзельнікі форуму змогуць азнаёміцца з выстаўкай-кірмашом узбекскіх тавараў. Тэматычныя выстаўкі будуць працаваць і на секцыях. Акрамя таго, у дні форуму ў Мінску адкрыюць помнік-бюст узбекскаму паэту Алішэру Наваі.

Тавараабарот паміж Беларуссю і Узбекістанам у 2018 годзе вырас на 20 працэнтаў у параўнанні з 2017-м і склаў $157 млн.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі