18 студзеня, Мінск /Кар. БЕЛТА/. Першы энергаблок БелАЭС адключаны ад сеткі, паведамілі БЕЛТА са спасылкай на Telegram-канал Мінэнерга.
"У 19.02 16 студзеня першы энергаблок БелАЭС адключаны ад сеткі пасля таго, як спрацавала сістэма абароны генератара", - гаворыцца ў паведамленні.
У Мінэнерга дадалі, што "сістэма абароны спрацавала ў ходзе доследна-прамысловай эксплуатацыі першага энергаблока", дзе праводзіцца тэсціраванне сістэм і абсталявання.
Радыяцыйны фон у раёне станцыі ў норме.-0-