29 сакавіка, Масква /Эдуард Півавар - БЕЛТА/. У Еўразійскім эканамічным саюзе будуць прымяняцца ўнікальныя нумары перавозак тавараў, паведамілі БЕЛТА ў прэс-службе Еўразійскай эканамічнай камісіі.
"Калегія ЕЭК вызначыла структуру стварэння ўнікальных нумароў перавозкі тавараў, што ажыццяўляецца з прымяненнем навігацыйных пломбаў. Нумары перавозкі будуць выкарыстоўвацца ўдзельнікамі інфармацыйнага ўзаемадзеяння для адназначнай ідэнтыфікацыі кожнай канкрэтнай перавозкі пры апрацоўцы інфармацыі ў аўтаматычным рэжыме без удзелу чалавека. Правілы фарміравання нумароў гарантавана выключаюць магчымасць іх дубліравання", - падкрэслілі ў прэс-службе.
"Гэта рашэнне распрацавана ў адпаведнасці з пагадненнем аб прымяненні ў Еўразійскім эканамічным саюзе навігацыйных пломбаў для сачэння за перавозкамі і з'яўляецца першым сярод 28 рашэнняў, якія патрабуецца прыняць для рэалізацыі пагаднення", - дадалі ў ЕЭК.-0-
