ДЗЯРЖОРГАНЫДЗЯРЖОРГАНЫ
Флаг Серада, 12 мая 2021
Мінск Ясна +10°C
Усе навіны
Усе навіны
Эканоміка
07 красавіка 2021, 19:24

Пераходны перыяд тэхрэгламенту ЕАЭС на магістральныя трубаправоды прадоўжыцца да 1 ліпеня 2023 года

Фота ЕЭК
Фота ЕЭК

7 красавіка, Масква /Эдуард Півавар - БЕЛТА/. Пераходныя палажэнні да тэхнічнага рэгламенту Еўразійскага эканамічнага саюза на магістральныя трубаправоды для вуглевадародаў будуць дзейнічаць да 1 ліпеня 2023 года. Такое рашэнне прыняла Калегія Еўразійскай эканамічнай камісіі, паведамілі БЕЛТА ў прэс-службе ЕЭК.

"Тэхрэгламент "Аб патрабаваннях да магістральных трубаправодаў для транспарціроўкі вадкіх і газападобных вуглевадародаў" уступае ў сілу з 1 ліпеня 2021 года, - адзначылі ў ЕЭК. - На час пераходнага перыяду - да 1 ліпеня 2023 года - дапускаюцца распрацоўка, зацвярджэнне і дзяржаўная экспертыза праектнай дакументацыі на аб'екты магістральнага трубаправода для транспарціроўкі вадкіх і газападобных вуглевадародаў, па нацыянальным заканадаўстве дзяржаў ЕАЭС".

Пераафармленне праектнай дакументацыі, распрацаванай і зацверджанай, а таксама прайшоўшай працэдуру дзяржаўнай экспертызы да ўступлення ў сілу тэхнічнага рэгламенту, пасля яго ўступлення ў сілу не патрабуецца.

Гэты тэхрэгламент устанаўлівае абавязковыя патрабаванні да магістральных трубаправодаў для транспарціроўкі вадкіх і газападобных вуглевадародаў пры праектаванні (уключаючы інжынерныя пошукі), будаўніцтве (рэканструкцыі), эксплуатацыі (прыёмцы і ўводзе ў эксплуатацыю, кансервацыі), утылізацыі (ліквідацыі), а таксама правілы ацэнкі іх адпаведнасці. Тэхрэгламент разглядае магістральны трубаправод як адзіны вытворча-тэхналагічны комплекс, які складаецца з узаемазвязаных аб'ектаў і збудаванняў і прызначаны для транспарціроўкі вадкіх або газападобных вуглевадародаў.

Дзеянне тэхрэгламенту не распаўсюджваецца на трубаправоды сетак газаразмеркавання і газаспажывання, трубаправоды сетак аўтаномнага газазабеспячэння і аўтамабільных газанапаўняльных кампрэсарных станцый, марскія трубаправоды, прамысловыя і міжпрамысловыя трубаправоды, трубаправоды для транспарціроўкі шырокай фракцыі лёгкіх вуглевадародаў і звадкаваных вуглевадародных газаў, а таксама на трубаправоды, прызначаныя для ажыццяўлення і забеспячэння тэхналагічных працэсаў здабычы і (або) перапрацоўкі вуглевадароднай сыравіны.

Патрабаванні тэхрэгламенту не распаўсюджваюцца на аб'екты, уведзеныя ў эксплуатацыю да даты ўступлення тэхрэгламенту ў сілу; будаўніцтва (рэканструкцыя) якіх ажыццяўляецца ў адпаведнасці з праектнай дакументацыяй, зацверджанай або накіраванай на дзяржаўную экспертызу да даты ўступлення тэхрэгламенту ў сілу; дазвол на будаўніцтва (рэканструкцыю) якіх пададзены да даты ўступлення тэхрэгламенту ў сілу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі