9 чэрвеня, Мінск /Кар. БЕЛТА/. Прэм'ер-міністр Беларусі Раман Галоўчанка ў размове з журналістамі ў Сочы абазначыў перспектывы развіцця ЕАЭС, паведамляе карэспандэнт БЕЛТА.
"Мы па-сапраўднаму адчулі, што такое Еўразійскі эканамічны саюз, калі нам давялося перакідваць нашы экспартныя патокі з Захаду на Усход. Як бы гэта ў нас выйшла, калі б не было саюза, складана сказаць, але, думаю, гэта было б не так эфектыўна", - сказаў Раман Галоўчанка.
Паводле яго слоў, цяпер у прыярытэце пераход ад гандлёвага саюза да больш цеснай эканамічнай кааперацыі ў тэхналагічнай сферы. "Гэту палітыку мы стараемся пашыраць. Яна поўнасцю супадае і з прыярытэтамі расійскага старшынства ў органах ЕАЭС. У гэтым Беларусь і Расія займаюць адзіную пазіцыю. Мы лічым, што саюз толькі ўзмоцніцца, калі ў нас будзе больш не толькі гандлёвых партнёраў, але і партнёраў па вытворчасці, распрацоўках, вынаходствах", - адзначыў прэм'ер-міністр.
У Сочы ў гэтыя дні адбыўся шэраг важных мерапрыемстваў, у тым ліку пасяджэнне Еўразійскага міжурадавага савета і пасяджэнне Савета кіраўнікоў урадаў СНД.-0-
